संसदेत सादर केलेल्या केंद्रीय अर्थसंकल्प 2023 (Union Budget 2023) मध्ये इलेक्ट्रिक (Auto Budget 2023) वाहनांना प्रोत्साहन देण्यासाठी एक मोठे पाऊल उचलण्यात आले आहे.
इलेक्ट्रिक वाहनांसाठी (Electric Vehicles) बॅटरी बनवण्यासाठी वापरल्या जाणाऱ्या उपकरणांवर (Part) सरकार यापुढे कस्टम ड्युटी आकारणार नाही. ज्याचा थेट परिणाम इलेक्ट्रिक वाहनांच्या किमतींवर होणार आहे. या अर्थसंकल्पात इलेक्ट्रिक वाहनांना प्रोत्साहन देण्यासाठी सरकारने कोणती खास भेट दिली आहे, हे जाणून घेऊ.
अर्थसंकल्पात 2023 मध्ये ऑटो क्षेत्रासाठी सर्वात मोठी घोषणा इलेक्ट्रिक वाहनांसाठी दिसून आली आहे. इलेक्ट्रिक वाहनांमध्ये वापरल्या जाणार्या लिथियम-आयन बॅटरी बनवण्यासाठी वापरल्या जाणार्या उपकरणांवरील कस्टम ड्युटी सरकारने हटवली आहे.
या मोठ्या निधीतून आता ग्रीन मोबिलिटीचे सरकारचे उद्दिष्ट स्पष्टपणे दिसून येत आहे. आता पारंपरिक पेट्रोल-डिझेल वाहनांवरील अवलंबित्व कमी करून बायो-इंधनाकडे वेगाने वाटचाल करण्याचा सरकारचा प्रयत्न आहे. ज्यासाठी सरकारने आधीच शून्य-कार्बन न्यूट्रॅलिटीचे लक्ष ठेवले आहे.
इलेक्ट्रिक वाहनांसोबतच ग्रीन हायड्रोजनसाठी 19,700 कोटी रुपयांची तरतूद बजेटमध्ये करण्यात आली आहे. या माध्यमातून 2030 पर्यंत 50 लाख टन उत्पादन क्षमतेचे उद्दिष्ट पूर्ण करण्याचा सरकारचा प्रयत्न आहे.
हेही वाचा