जोगेश्वरी - पूर्वेकडील श्री समर्थ विद्यालय बांद्रेकरवाडी येथे ३३ वर्षांची परंपरा असलेलं रांगोळी प्रदर्शन सुरू आहे. रंगावली परिवारातर्फे आयोजित हे प्रदर्शन १२ नोव्हेंबरपर्यंत सायंकाळी ५ ते १० या कालावधीत खुलं असेल. रांगोळी प्रदर्शनाचं प्रवेश शुल्क फक्त ५ रुपये अाहे. जोगेश्वरी रंगावली परिवाराचे सदस्य इथे रांगोळी काढतात. प्रदर्शनात ३०पेक्षा जास्त अधिक रांगोळ्या असून वैशिष्ट्य म्हणजे त्यातले मानवी चेहरे. विविध क्षेत्रांतल्या प्रसिद्ध नामांकित व्यक्तींची चित्रं इथे बघायला मिळतात. भूषण वैद्य, प्रणय आणेराव, सूरज लांडगे, सपना लांडगे, अनिकेत विश्वासराव आदींनी काढलेल्या रांगोळ्या आणि चित्रं येथे बघायला मिळतील.
Share
Tweet
