क्वीन चित्रपटाचे दिग्दर्शक विकास बहल याच्यावर त्याच्याच एका महिला सहकर्मचाऱ्यानं लैंगिक छळाची तक्रर केली होती. मात्र, या लैंगिक अत्याचारांच्या आरोपांमधून विकास बहल याची निर्दोष मुक्तता करण्यात आली आहे. रिलायन्सच्या अंतर्गत समितीनं विकास बहल याला क्लीन चीट दिली आहे. त्यामुळं पुन्हा एकदा विकास बहल यांच नाव फॅन्टम फिल्म्सशी जोडण्यात येणार आहे.
दिग्दर्शक विकास बहल हा फँटम या कंपनीचा सहसंस्थापक आहे. मात्र, लैंगिक छळाचं आरोप झाल्यानंतर बहल याची कंपनीतून हकालपट्टी करण्यात आली होती. फँटम कंपनीची अर्धी मालकी रिलायन्सकडं असल्यानं रिलायन्सनं या आरोपांसंदर्भात चौकशी समिती नेमली होती. या चौकशी समितीनं विकास बहल याला क्लीन चीट दिली आहे.
विकास बहल, अनुराग कश्यप आणि विक्रमादित्य मोटवाणे यांनी फँटम या निर्मिती संस्थेची स्थापना केली होती. परंतु, लैंगिक छळाच्या आरोपानंतर विकास बहलचं नाव 'सुपर ३०' या चित्रपटातून हटवण्यात आलं होतं. चित्रपटात हृतिकची प्रमुख भूमिका होती. तसंच, या प्रकरणी हृतिकनं ट्विट करून याबाबत योग्य ती कारवाई व्हावी, अशी मागणी केली होती.
या प्रकरणी विकास बहल यांच्यावर ज्या महिलेनं लैंगिक छळाचा आरोप केला होता, ती महिला फँटमची कर्मचारी नव्हती. मात्र, या महिलेसोबत काही प्रकल्पांसाठी एकत्र काम केल्याचं बहल यांनी चौकशी समितीला सांगितलं. त्याशिवाय, 'मला तिच्याशी चर्चा करायची आहे. माझ्या वागण्यानं तिला खरंच त्रास झाला असेल, तर मला माफी मागायाची आहे' असंही बहल यांनी चौकशी समितीसमोर म्हटलं होतं.
दरम्यान, बहल यांच्यावर आरोप करणाऱ्या महिलेनं कुठंही रितसर तक्रार दाखल केली नव्हती. जेव्हा रिलायन्सच्या चौकशी समितीनं या महिलेला चौकशीसाठी बोलावलं होतं, तेव्हा तिनं काहीही प्रतिसाद दिला नव्हता. त्यानंतर आरोप करणाऱ्या महिलेची बाजू उचलून धरणाऱ्यांशी समितीनं चर्चा केली आणि या चर्चेनंतर बहल यांना अखेर क्लीन चीट देण्यात आली.
हेही वाचा -
संविधानाच्या रक्षणासाठी भाजपाविरोधात इंच इंच लढू- राहुल गांधी
बेस्ट बसमध्येही बसवणार पॅनिक बटन
Share
Tweet
