देशातील सर्वात मोठी खासगी क्षेत्रातील एचडीएफसी बँकेच्या काही ग्राहकांना मंगळवारी इंटरनेट आणि मोबाइल बँकिंग वापरण्यात अडचणी येत आहेत. ग्राहकांना या सुविधांचा योग्य प्रकारे फायदा घेता येत नाही. ग्राहकांनी याबाबत तक्रारी केल्यानंतर ही समस्या सोडविण्याचे काम करीत असल्याचं बँकेने सांगितलं आहे.
बँकेच्या अनेक ग्राहकांची इंटरनेट आणि मोबाइल बँकिंग सेवा मंगळवारी काम करत नव्हती. याबाबत या ग्राहकांनी ग्राहक सोशल मीडियावर पोस्ट केल्या. ट्विटरवर अनेक ग्राहक एचडीएफसी बँकेच्या इंटरनेट बँकिंग आणि मोबाइल बँकिंगसमोरील अडचणींबद्दल ट्विट करीत आहेत. ग्राहकांच्या या समस्येची दखल बँकेने तात्काळ घेतली. याबाबत बँकेनेही ट्विट केलं आहे.
Some customers are facing intermittent issues accessing our NetBanking/MobileBanking App. We are looking into it on priority for resolution. We apologize for the inconvenience and request you to try again after sometime. Thank you.
— HDFC Bank Cares (@HDFCBank_Cares) March 30, 2021
बँकेने आपल्या ट्विटमध्ये म्हटलं आहे की, 'काही ग्राहकांना आमचे नेट बँकिंग / मोबाइल बँकिंग अॅप वापरण्यात त्रास होत आहे. हे सोडविण्यासाठी आम्ही प्राधान्याने काम करत आहोत. असुविधेबद्दल आम्ही दिलगीर आहोत आणि ग्राहकांनी पुन्हा प्रयत्न करावेत ही विनंती. धन्यवाद.'
हेही वाचा -