पंजाब आणि महाराष्ट्र को-आॅप बँकेवर (पीएमसी) आरबीआयनं निर्बंध लादल्यानंतर खातेदारांमध्ये गोंधळाचं वातावरण असतानाच, सार्वजनिक क्षेत्रातील काही बँका कायमस्वरूपी बंद होत आहेत, असा मेसेज सोशल मीडियावर व्हायरल होत आहे. मात्र, या अफवा असून कुठल्याही व्यापारी बँका बंद होणार नाहीत, असा खुलासा रिझर्व्ह बँक आॅफ इंडियाने केला आहे.
Reserve Bank of India: Reports appearing in some sections of social media about RBI closing down certain commercial banks are false. pic.twitter.com/HpGhthS1nG
— ANI (@ANI) September 25, 2019
तसंच यासंदर्भात अर्थ सचिव राजीव कुमार यांनी सांगितलं की, 'सार्वजनिक क्षेत्रातील बँकांना सरकारकडून आर्थिक पाठबळ देऊन त्यांना ग्राहकांना चांगली सेवा देण्याकरीता सशक्त करण्यात येत आहे. त्यामुळे काही बँका बंद होतील, हा सोशल मीडियावर पसरलेला मेसेज चुकीचा आहे.
There are mischievous rumours on Social Media (picture below) about @RBI closing some banks. No question of closing any #PSB, which are articles of faith. Rather Govt is strengthening PSBs with reforms and infusion of capital to better serve its customers @FinMinIndia @PIB_India pic.twitter.com/43XoZGoOa0
— Rajeev kumar (@rajeevkumr) September 25, 2019
आरबीआय सार्वजनिक क्षेत्रातील ९ बँका कायमस्वरुपी बंद करत असल्याने या बँकांच्या खात्यांमधून तुमचे पैसे आताच काढा असं आवाहन करणारा मेसेज सध्या सोशल मीडियावर व्हायरल होत आहे. या मेसेजमध्ये युको बँक, आयडीबीआय, बँक ऑफ महाराष्ट्र, आंध्रा बँक, इंडियन ओव्हरसीज बँक, सेंट्रल बँक ऑफ इंडिया, देना बँक आणि युनायटेड बँक ऑफ इंडिया यांसह ९ बँकांचा उल्लेख करण्यात आला आहे.
हेही वाचा-
'ह्या' कारणामुळे पीएमसीवर आले निर्बंध
आरबीआयचा नवा नियम, तुमच्या खात्यात रोज जमा होणार १०० रुपये