बृहन्मुंबई महानगरपालिका (BMC) पुढील वर्षाच्या सुरुवातीला होणाऱ्या प्रशासकिय निवडणुकांदरम्यान मोबाईल लायब्ररी व्हॅन मोफत देण्याची शक्यता आहे, असं वृत्त टाइम्स ऑफ इंडियानं दिलं आहे.
भायखळा, माझगाव तसंच मुंबई सेंट्रलचा समावेश असलेल्या प्रशासकिय संस्थेच्या ई वॉर्डनं जवळपास २ करोडच्या मोबाईल लायब्ररी व्हॅन खरेदी आणि वितरणाचा प्रस्ताव सुरू केला आहे. एका मोबाईल लायब्ररीसाठी प्रशासकिय प्राधिकरणाला सुमारे ४०-४५ लाख खर्च येईल.
प्रशासकिय स्थायी समितीचे अध्यक्ष असलेले शिवसेनेचे नगरसेवक यशवंत जाधव यांनी ही मागणी केल्यानंतर या प्रभागानं फिरत्या वाचनालयांच्या वितरणासाठी नियोजन विभागाला मार्गदर्शक तत्त्वे तयार करण्यास सांगितलं आहे. त्यांच्या म्हणण्यानुसार, हा उपक्रम गरीब आणि गरजू विद्यार्थ्यांसाठी सामाजिक संस्थांद्वारे कार्य करेल, असं अहवालात अधोरेखित केलं आहे.
तथापि, खात्यानं असा दावा केला आहे की, विरोधी पक्षाच्या नगरसेवकांनी प्रशासकिय संस्थेच्या या उपक्रमाला विरोध केला आहे.
जवळ येणा-या निवडणुकांपूर्वी, BMC नागरिकांसाठी २० ई-किओस्क स्थापित करण्याचा विचार करत आहे. जेणेकरून ते मतदार यादीतील त्यांचे तपशील तपासू शकतील. याद्वारे मतदानाच्या दिवशी नाव गहाळ होण्याच्या समस्या उद्भवणार नाहीत याची काळजी घेता येईल. तसंच नागरिकांना मतदान करण्यासाठी स्वतःची नोंदणी करण्यासाठी प्रोत्साहित करता येईल.
हेही वाचा
Share
Tweet
