मुंबईत (mumbai) दुधाच्या दरात प्रति लिटर 2 रुपयांची वाढ झाल्यानंतर काही दिवसांतच, पावाच्या (BREAD) किमतीही प्रति पाकीट 5 रुपयांपर्यंत वाढल्या आहेत.
या दरवाढीचे मुख्य कारण वाढलेला उत्पादन खर्च हे असल्याचे सांगितले जात आहे.
यामध्ये प्लास्टिक पॅकेजिंगसाठी वापरल्या जाणाऱ्या महागड्या आयात कच्च्या मालाचा खर्च, वाढलेला वाहतूक खर्च आणि रुपयाचे अवमूल्यन यांचा समावेश आहे.
'द टाइम्स ऑफ इंडिया'च्या एका वृत्तानुसार, 'मॉडर्न ब्रेड' (Modern Bread) या कंपनीने 16 मे रोजी आपल्या पावाच्या (ब्रेडच्या) मूलभूत प्रकारांच्या किमती वाढवल्या (rise) ज्यामुळे काही उत्पादनांचे दर विक्रमी उच्च पातळीवर पोहोचले आहेत.
'ब्रिटानिया' (Britannia) आणि 'विब्स' (Wibs) यांसारखे इतर प्रमुख ब्रँड्सही लवकरच आपल्या किमतींमध्ये (prices) सुधारणा करतील, अशी अपेक्षा आहे.
पावाच्या (ब्रेडच्या) सुधारित किमती
बेकरी मालकांनी सांगितले की, वाढलेले वाहतूक शुल्क, तसेच प्रिझर्व्हेटिव्ह्ज (खाद्य संरक्षक), मीठ, पॅकेजिंग साहित्यात वापरली जाणारी प्लास्टिक पावडर, स्वयंपाकाचा गॅस आणि इंधन यांच्या वाढत्या किमतींमुळे ही दरवाढ झाली आहे.
उद्योग क्षेत्रातील सूत्रांनी निदर्शनास आणून दिले की, पॅकेजिंगसाठी वापरला जाणारा प्लास्टिकचा कच्चा माल भारत मोठ्या प्रमाणात आयात करतो. तसेच रुपया डॉलरच्या तुलनेत घसरल्याने ही आयात अधिकच महाग झाली आहे.
इंधनाच्या किमतींमधील वाढीमुळे हा आर्थिक बोजा आणखीच वाढला आहे. यापूर्वी प्रति लिटर 3 रुपयांची वाढ झाल्यानंतर, अलीकडेच पेट्रोल आणि डिझेलच्या किमतींमध्ये पुन्हा प्रति लिटर सुमारे 90 पैशांची वाढ करण्यात आली होती.
मुंबई आणि दिल्लीसारख्या शहरांमध्ये सीएनजीच्या (CNG) किमतीही प्रति किलो 2 रुपयांनी वाढवण्यात आल्या होत्या, आणि त्यानंतर पुन्हा प्रति किलो 1 रुपयांची वाढ झाली. ज्यामुळे मालवाहतूक आणि लॉजिस्टिक्सचा खर्च मोठ्या प्रमाणात वाढला आहे.
हेही वाचा
Share
Tweet
