मुंबईच्या मलबार हिल (Malabar Hill) परिसरातल्या हँगींग गार्डन शेजारील इमारतीला आग (Fire) लागली आहे. लॅसपालमास असं या इमारतीचं नाव आहे. इमारत १४ मजल्याची असून पाचव्या मजल्यावर सिलिंडरचा स्फोट झाल्यामुळे भीषण आग लागली आहे. रात्री ८ च्या सुमारास ही आग लागली. मलबार हिल हा मुंबईतील उच्चभ्रू असा परिसर मानला जातो.

आगीची माहिती मिळताच घटनास्तळी अग्निशमन दलाच्या ८ गाड्या आणि ७ पाण्याचे टँकर्स  पोहोचल्या. तसंच, अग्नीशमन दलाच्या जवानांनी आग विझवण्याचे शर्थीचे प्रयत्न करत अखेर ११.४० वाजताच्या सुमारास आग आटोक्यात आणली. या आगीत अग्नीशमन दलाकडून ८ रहिवाशांना सुखरूप बाहेर काढलं. तसंच, या आगीत इमारतीमधील रहिवाशी अजय जाधव (४०) व अग्नीशमन दलाचे फायरमन राहुल कावटे (२८) हे दोन जण जखमी झाले आहेत.

Three people have been rescued from the site so far! More deets awaited pic.twitter.com/YJWwtfZL5V

— Mumbai Live (@MumbaiLiveNews) February 5, 2020

या दोघांना उपचारासाठी तातडीनं गोकुळदास तेजपाल रुग्णालयात दाखल करण्यात आलं. दरम्यान, या दोघांची प्रकृती स्थिर असल्याचं माहिती मिळते. या आगीमुळं मलाबार हिल परिसरात एकच गोंधळ उडाला आहे. हँगिंग गार्डन परिसरात मोठी वाहतुककोंडी झाल्याचीही माहिती समोर येत आहे.

मुंबईत ६ महिन्यांत ‘इतक्या’ ठिकाणी लागली आग