राज्यातील शेतकरी, बेरोजगार आणि सरकारी अधिकारी व कर्मचाऱ्यांसाठी आनंदाची बातमी आहे. राज्य सरकारी अधिकारी-कर्मचाऱ्यांसाठी ५ दिवसांचा आठवडा करण्याचा राज्यातील महाविकास आघाडीच्या सरकारनं निर्णय घेतला जाणार असल्याची माहिती समोर येत आहे. मुख्यमंत्री उद्धव ठाकरे यांनी नेहमीच सरकारी अधिकारी-कर्मचारी यांची बाजू घेतलेली आहे. त्यामुळे मुख्यमंत्री बनल्यानंतर सरकारी कर्मचारी संघटनांच्या पदाधिकाऱ्यांनी त्यांना शुभेच्छा देण्यासाठी भेट घेतली. त्यावेळी उद्धव ठाकरे यांनी या कर्मचाऱ्यांना आश्वासन दिलं.
५ दिवसांचा आठवडा, सेवानिवृत्तीची वयोमर्यादा ५८ वरून ६० वर्षे करावी, यासारख्या मागण्याचं निवेदन सरकारी अधिकारी-कर्मचारी संघटनांच्या वतीनं मुख्यमंत्री ठाकरे यांना दिलं जाणार आहे. त्यांपैकी ५ दिवसांच्या आठवड्याबाबत निर्णय घेण्यास मुख्यमंत्री राजी झाल्याचं समजतं. या निर्णयासाठी राज्य सरकारच्या तिजोरीवर आर्थिक भार पडणार नसून, त्यामुळं हा निर्णय तातडीनं घेतला जाणार आहे.
शेतकरी, बेरोजगार आणि सरकारी अधिकारी-कर्मचारी यांच्या प्रश्नांना या सरकारचं प्राधान्य असेल. महाविकास आघाडीच्या किमान समान कार्यक्रमात त्याबाबत उल्लेख असल्याचंही सांगण्यात आलं आहे.
हेही वाचा -
एकही आमदार फुटणार नाही- आशिष शेलार
Share
Tweet
