बॉलिवूड अभिनेता राहुल बोस याला एका नामांकित हॉटेलमध्ये २ केळ्याचं ४०० रुपये बिल आकारल्याची घटनाताजी असतानाच मुंबईतील एका हॉटेलमध्ये ग्राहकाला २ उकडलेल्या अंड्यासाठी तब्बल १७०० रुपये मोजावे लागले आहेत. कार्तिक धर असं या ग्राहकचं नाव असून, त्यानं मुंबईतील फोर सीजन्स हॉटेलमध्ये २ उकडलेल्या अंड्याची ऑर्डर दिली होती. त्यावेळी त्याला या अंड्यासाठी तब्बल १ हजार ७०० रुपये द्यावे लागले.
कार्तिक धर यांनी ट्विटरवरून याबाबत माहिती दिली असून, त्यांनी उकडलेल्या २ अंड्यांसाठी मला १७०० रुपये द्यावे लागले असं लिहिलं आहे. तसंच, त्यांनी अभिनेता राहुल बोस याला टॅग करत 'भाई आंदोलन करे', असं लिहिलं आहे. कार्तिक धर हे 'ऑल द क्विन मेन' या चित्रपटाचे लेखक आहेत. दरम्यान, याप्रकरणी अद्याप हॉटेल मालकाच कोणतही उत्तर आलेलं नाही. तसंच, आॅम्लेटसाठी देखील त्यांच्याकडून तेवढीच रक्कम आकारण्यात आली.
2 eggs for Rs 1700 at the @FourSeasons Mumbai. @RahulBose1 Bhai Aandolan karein? pic.twitter.com/hKCh0WwGcy
— Kartik Dhar (@KartikDhar) August 10, 2019
काही दिवसांपूर्वी अशीच एक घटना घडली होती. अभिनेता राहुल बोस यानं एका नामांकित हॉटेलमध्ये २ केळी मागवली होती. त्यावेळी त्याला या २ केळ्यांसाठी ४०० रुपये मोजावे लागले होते. त्यानंतर त्याने सोशल मीडियावरून त्या हॉटेलवर टीका केली होती.
हेही वाचा -
मुंबईत नाही होणार दुधाची कमी- अर्जुन खोतकर
१६ ऑगस्टपर्यंत बंद राहणार पुणे-मुंबई रेल्वे सेवा