मुख्यमंत्री देवेंद्र फडणवीस यांनी मंगळवारी “महाचतूर AI Chatbot” या डिजिटल उपक्रमाचा शुभारंभ केला. राज्यातील युवकांना कौशल्य विकास, रोजगाराच्या संधी, उद्योजकता आणि करिअर मार्गदर्शन एकाच ठिकाणी उपलब्ध करून देण्याचा या उपक्रमाचा उद्देश आहे.

राज्याच्या कौशल्य विकास, रोजगार, उद्योजकता आणि नवोपक्रम विभागामार्फत विकसित करण्यात आलेला हा चॅटबॉट शिक्षणापासून रोजगारापर्यंतचा प्रवास सुलभ करण्यासाठी तयार करण्यात आला आहे. हा एक “वन-स्टॉप प्लॅटफॉर्म” असून, नोकरी शोधणाऱ्यांना उद्योगांच्या गरजांशी जोडण्यास मदत करणार आहे.

या प्लॅटफॉर्मची एक महत्त्वाची वैशिष्ट्य म्हणजे अप्रेंटिसशिप नोंदणी प्रक्रिया काही दिवसांवरून थेट 15 मिनिटांपर्यंत कमी करण्यात आली आहे. यामध्ये पात्रता, अर्ज प्रक्रिया, प्रशिक्षणाचे पर्याय आणि नोकरीच्या संधी याबाबत मार्गदर्शन मिळणार आहे.

ही सेवा WhatsAppच्या माध्यमातून उपलब्ध होणार असल्याने ती मोठ्या प्रमाणात लोकांपर्यंत सहज पोहोचणार आहे.

राईटवॉक फाऊंडेशन (RightWalk Foundation)च्या सहकार्याने विकसित करण्यात आलेला हा चॅटबॉट क्लिष्ट प्रक्रिया आणि मार्गदर्शनाच्या अभावासारख्या अडचणी दूर करते. यामुळे युवकांना कौशल्य आणि रोजगारासाठी एक सोपा डिजिटल पर्याय उपलब्ध झाला आहे.

हेही वाचा

मुंबईत मेपासून 10% पाणी कपात लागू होण्याची शक्यता