मुंबई रेल्वे विकास कॉर्पोरेशन (MRVC) ने रेल्वे ट्रॅकवर अतिक्रमण थांबवण्यासाठी आणि अपघातांचे प्रमाण कमी करण्यासाठी सबवे बांधण्याचा सल्ला दिला आहे. MRVC हा रेल्वे मंत्रालयाचा भाग आहे. मुंबई शहरी वाहतूक प्रकल्पाच्या (MUTP) चौथ्या टप्प्याअंतर्गत ही कल्पना मांडली आहे.

HT च्या अहवालानुसार, फूट ओव्हरब्रिज, रोड ओव्हरब्रिज आणि स्कायवॉकच्या जागी सबवे बांधण्याची योजना आहे. लोकं अनेकदा रुळ ओलांडतात. यामुळे अपघाताचे प्रमाण वाढले आहे. स्थानकांमधील जमिनीपासून सुमारे चार मीटर खाली बांधले जातील.

योजनेचा एक भाग म्हणून, MRVC मध्य आणि पश्चिम रेल्वेवरील दोन स्थानकांमधील सर्व मध्य भागांचे सर्वेक्षण करेल जिथे अतिक्रमण सामान्य आहे. यामुळे सबवे कुठे बांधता येतील हे ठरविण्यात मदत होईल. धक्कादायक म्हणजे सध्या बांधले गेलेले सबवे गळतात. तर काही सबवे गर्दुल्यांचे अड्डे झाले आहेत. 

MUTP 4 धोरणात मुंबई महानगर प्रदेश (MMR) मध्ये नेटवर्क विस्तार आणि अपघात रोखण्यासाठी सुरक्षा उपाय दोन्ही समाविष्ट आहेत. HT च्या अहवालानुसार, अधिकाऱ्यांनी सांगितले की अनेक फूट ओव्हरब्रिज असूनही लोक अजूनही रूळ क्रॉस करून जातात. सबवेची किंमत पुलांइतकीच असेल परंतु ते वापरण्यास सोपे आहेत.

या कल्पनेला प्रवाशांच्या गटांकडून पाठिंबा मिळाला आहे. गेल्या काही वर्षांत, रेल्वे रूळ ओलांडणे आणि ट्रॅकवरील मृत्यू कमी करण्यासाठी अनेक पावले उचलली आहेत. यामध्ये प्लॅटफॉर्मच्या टोकांवर धातूचे बॉक्स ठेवणे, प्लॅटफॉर्मच्या फरशीवर स्नेहन वापरणे, दंड आकारणे आणि स्टेशनबाहेर अतिक्रमण करणाऱ्यांना बाहेर काढण्यासाठी कर्मचारी तैनात करणे यांचा समावेश आहे.

हेही वाचा

ठाणेकरांनो लक्ष द्या! 19 सप्टेंबरला काही भागात पाणीपुरवठा बंद