मुंबई पोलिस दलातील एका कॉन्स्टेबलनं एका १४ वर्षाच्या मुलाचे प्राण वाचवले आहे. या कॉन्स्टेबलचं सध्या सर्व स्तरातून कौतुक होत आहे. यासंदर्भात मुंबई पोलिसांनी ट्विटरवर एक पोस्ट शेअर केली आहे. सोशल मीडियावर मुंबई पोलिसांचे ही पोस्ट प्रचंड व्हायरल होत आहे. आतापर्यंत या ट्विटला ३ हजारांपेक्षा जास्त युजर्सनी लाईक केलं आहे.
ज्याला देव तारे त्याला कोण मारे ही म्हण तर सर्वांनाच माहित असेल. एका १४ दिवसांच्या बाळासाठी एक पोलिस कॉन्स्टेबल देवासारखा धाऊन आला. एका १४ दिवसांच्या बाळानं नकळत सेफ्टी पिन गिळली होती. अशा स्थितीमध्ये कॉन्स्टेबल श्रीमंत कोळेकर देवदूत बनून मदतीला धावला.
When in doubt, find your nearest cop!
— Mumbai Police (@MumbaiPolice) June 18, 2020
A 14 day old baby was choking on a safety pin he had accidentally swallowed. PC S.Kolekar spotted the worried parents on the road & rushed the kid to KEM using his own vehicle, where the child received timely treatment.#MumbaiFirst pic.twitter.com/yCVNxFQKvW
मुंबई पोलिसांनी ट्विटरवर दिलेल्या माहितीनुसार, कोळेकर यांनी स्वतःच्या गाडीनं सेफ्टी पिन गळ्यात अडकलेल्या बाळाला हॉस्पिटलमध्ये पोहचवलं. जिथं त्याच्यावर त्वरित उपचार करण्यात आले.
वडाळा येथे त्यांच्या १४ दिवसांच्या लहान बाळाच्या घशात सेफ्टी पिन अडकल्याने कासावीस झालेल्या पालकांना बघून वडाळा ट्रक टर्मिनल पोलीस स्टेशनचे कॉन्स्टेबल श्रीमंत कोळेकर यांनी त्वरित स्वतःच्या मोटर सायकलने त्यांना केईएम रुग्णालयात पोहचवले व इलाजासाठी मदत केली.#MumbaiFirst
— Mumbai Police (@MumbaiPolice) June 18, 2020
कोळेकर यांनी बाळाच्या पालकांना रस्त्यावर पाहिलं. बाळाच्या घशात सेफ्टी पिन अडकल्याचं समजताच कोळेकर यांनी क्षणाचाही विचार न करता त्वरित पालकांना केईएम हॉस्पिटलमध्ये पोहचवलं. यासाठी त्यांनी स्वतःच्या गाडीनं पालकांना हॉस्पिटलमध्ये पोहचवलं. कोळेकर यांच्या मदतीनं वेळेवर हॉस्पिटलमध्ये पोहचल्यानंतर डॉक्टरांनी बाळावर इलाज केला.
हेही वाचा