मीरा भाईंदर-वसई विरार (MBVV) हद्दीत येणाऱ्या नायगाव (naigaon) पोलिसांच्या अधिकाऱ्यांनी दोन आठवड्यांपेक्षा कमी कालावधीत तीन आत्महत्येचे प्रयत्न रोखले आहेत.
यातील दोन घटना पालघर (palghar) जिल्ह्यातील नायगाव पोलीस (police) ठाण्याच्या हद्दीत घडल्या. दोन्ही प्रकरणे 9 ते 13 सप्टेंबर या आठवड्या दरम्यान घडल्या, जो आत्महत्या (suicide) प्रतिबंध सप्ताह म्हणून साजरा केला जातो.
घटना १
पहिल्या घटनेत 16 वर्षांच्या मुलीचा समावेश होता. 9 सप्टेंबर रोजी सकाळी 9 च्या सुमारास पोलिसांना 112 क्रमांकाच्या इमर्जन्सी नंबरवरून याबाबत अलर्ट करण्यात आले. मुलीने तिच्या आईशी वाद घातल्यानंतर स्वत:ला घरात बंद केले होते. ती छताला गळफास घेणार होती.
इतक्यात कॉन्स्टेबल संतोष घुगे वेळेत घटनास्थळी पोहोचले. त्यांनी दरवाजा तोडला आणि ती वॉशिंग मशीनवर उभी असलेली दिसली. घुगे यांनी तिच्याशी बोलून तिला रोखले. पोलिसांनी मुलगी आणि तिच्या आईला पोलिस ठाण्यात आणून समुपदेशन केले.
घटना २
दुसरी घटना १३ सप्टेंबर रोजी घडली. वसईतील एका 24 वर्षीय महिलेने तिच्या पतीसोबत झालेल्या वादातून आत्महत्येचा प्रयत्न केला. शेजाऱ्यांनी फ्लॅटमध्ये प्रवेश करून तिला खाली आणण्यास मदत केली, परंतु ती प्रतिसाद देत नव्हती.
निरीक्षक बाळाराम पालकर व त्यांचे पथक घटनास्थळी दाखल झाले. त्यांनी महिलेला खासगी कारने सार्वजनिक रुग्णालयात नेले. तेथे तिच्यावर प्राथमिक उपचार करण्यात आले.
नंतर तिला खासगी रुग्णालयाच्या आयसीयूमध्ये हलविण्यात आले. त्या महिलेवर तीन दिवस उपचार चालू होता. डिस्चार्ज झाल्यानंतर पोलिसांनी दाम्पत्याला ठाण्यात आणले. वरिष्ठ निरीक्षक रमेश भामे यांनी दाम्पत्याला सल्ला दिला. तसेच दाम्पत्याने वेगळे होण्याचे मान्य केले
घटना 3
तिसऱ्या प्रकरणात, पोलिसांना एका जोडप्यामध्ये जोरदार वाद झाल्याचा फोन आला. जेव्हा कॉन्स्टेबल संतोष घुगे 13व्या मजल्यावरील अपार्टमेंटमध्ये आले.
तेव्हा त्यांना 37 वर्षीय महिला गॅलरीतून उडी मारताना दिसली. अधिकारी घुगे यांनी महिलेला सुरक्षितरित्या मागे खेचले. पतीच्या बेरोजगारीने ही महिला वैतागली होती.
हेही वाचा
Share
Tweet
