पावसाळ्यात दरवर्षी पर्यंटक मुंबईतल्या अनेक ठिकाणांना भेट देतात. जुहू बीच, मरीन ड्राईव्ह, बँडस्टँड, वांद्रे फोर्ट, खारघर फॉल्स, बुशी डॅम आदी ठिकाणी पावसाळ्यातील भेट ठरलेलीच असते. अनेकदा अशा ठिकाणी अनेक अपघाताच्या बातम्याही समोर आल्या आहेत. पण मुंबईकर मात्र त्यांच्याकडे कानाडोळा करत आपला जीव धोक्यात टाकतात आणि आपला जीव गमावता.
बृहन्मुंबई महानगरपालिका (BMC) आणि भारतीय हवामान विभाग (IMD) पावसाळ्यात पाण्याच्या प्रवाहाभोवती असलेल्या उच्च भरती आणि धोक्यांबद्दल लोकांना सावध करत असतात. तरीही लोकं अशा ठिकाणी भेट देणे पसंत करतात.
नुकत्याच घडलेल्या अशाच एका घटनेत 9 जुलै रोजी वांद्रे समुद्रात एका 27 वर्षीय महिलेचा बुडून मृत्यू झाला. पालिकेने 10 जुलै रोजी तिचा मृतदेह बाहेर काढला आणि पुढील तपासासाठी मुंबई पोलिसांच्या ताब्यात दिला.
ज्योती सोनार असे या महिलेचे नाव आहे, ती रविवारी तिचा नवरा, मुले आणि कुटुंबातील इतर सदस्यांसह बँडस्टँडला भेट दिली होती. फोटो काढण्यासाठी हे जोडपे खडकावर गेले आणि अचानक एक उंच लाट आली आणि त्यांना पाण्यात ओढले. घटनास्थळी उपस्थित लोकांनी पतीला वाचवले, मात्र महिला पाण्यात बेपत्ता झाली.
त्याच काळात आणखी एका दु:खद घटनेत, 8 जुलै रोजी लोणावळा येथील तलावात दोन मुंबईकरांचा बुडून मृत्यू झाला. दोन 35 वर्षीय पुरुष इतर चार जणांसह सहलीला गेले होते. मृताची 29 वर्षीय महिला मैत्रिण, ती देखील पाण्यात उतरली होती. पण पाणी वाढल्याने ती बुडाली. स्थानिक नागरिक तातडीने त्यांच्या मदतीला धावले. तिला रुग्णालयात नेण्यात आले आणि तेथे दोघांना मृत घोषित करण्यात आले.
गेल्या आठवड्यात मालाडमधील अक्सा चौपाटीवर मोठा अपघात टळला होता. जीवरक्षकांच्या सतर्कतेमुळे 19 पर्यटक बुडण्यापासून सुदैवाने बचावले. समुद्रात नैसर्गिक निर्माण झालेल्या खड्ड्यात पर्यटक अक्षरश: पाण्यात ओढले गेले.
गेल्या महिन्यात, जूनमध्ये, जुहू समुद्रकिनाऱ्यावर किमान सहा तरुणांचा बुडून मृत्यू झाला होता, तर त्यापैकी फक्त एकाला वाचवण्यात यश आले होते. इतर सर्व मृत आढळले.
यानंतर पालिकेने गिरगाव, दादर, जुहू या प्रमुख चौपाटी आणि वर्सोवा, अक्सा आणि गोराई या समुद्रकिना-याच्या सुरक्षेवर लक्ष केंद्रित केले होते. सर्व प्रमुख चौकांवर 120 प्रशिक्षित सुरक्षा रक्षक नेमण्याचा निर्णय घेण्यात आला आहे. यापूर्वी अग्निशमन दलाकडून कंत्राटी पद्धतीने 94 जीवरक्षकांची नियुक्ती करण्यात आली होती.
मान्सूनशी संबंधित विविध कारणांमुळे दरवर्षी इतर काही अपघात आणि मृत्यू नोंदवले जातात. जून 2023 च्या शेवटच्या आठवड्यात झाड पडण्याच्या 26 घटना, शॉर्ट सर्किटच्या 15 घटना आणि घरे कोसळण्याच्या किंवा अंशत: कोसळण्याच्या पाच घटना नोंदवण्यात आल्या. या घटनांमुळे दरवर्षी अनेक मृत्यू होतात.
हे लक्षात घेण्यासारखे आहे की पालिकेकडे झाडे पडण्याच्या सुमारे 400 तक्रारी प्राप्त झाल्या आहेत. याशिवाय, एका आठवड्यात घर कोसळण्याच्या सहा घटनाही नोंदवण्यात आल्या आहेत.
हेही वाचा
Share
Tweet
