गारगाई धरण आणि जलशुद्धीकरण प्रकल्पांना चार वर्षांचा विलंब

मुंबईतील (mumbai) पाणीटंचाईवर (water crisis) मात करण्याच्या दीर्घकालीन योजनांना मोठा फटका बसला आहे.

गारगाई धरण (gargai dam) आणि समुद्राचे पाणी गोडे करण्याचा (डिसॅलिनेशन) प्रकल्प यांसारख्या महत्त्वाच्या प्रकल्पांच्या कामात जवळपास चार वर्षांचा विलंब झाल्यामुळे शहराच्या भविष्यातील पाणीसुरक्षेबाबत चिंता व्यक्त केली जात आहे.

बृहन्मुंबई महानगरपालिकेने (bmc) शहराचा दैनंदिन पाणीपुरवठा सुमारे 640 दशलक्ष लिटरने (MLD) वाढवण्यासाठी या दोन प्रकल्पांचे नियोजन केले होते.

मात्र, पर्यावरणविषयक मंजुरी, धोरणात्मक बदल, निविदा प्रक्रियेतील अडचणी आणि तांत्रिक आव्हाने यांमुळे या प्रकल्पांच्या पूर्णत्वास विलंब झाला आहे.

पालघर जिल्ह्यातील गारगाई धरण प्रकल्पामुळे मुंबईला दररोज सुमारे 440 दशलक्ष लिटर पाणी मिळण्याची अपेक्षा आहे.

पर्यावरण आणि वन विभागाच्या मंजुरी प्रलंबित असणे, तसेच वनजमीन व झाडांवर होणाऱ्या परिणामांबाबतच्या चिंतांमुळे या प्रकल्पाचे काम रखडले आहे.

मनोरी येथे प्रस्तावित असलेल्या 'डिसॅलिनेशन' प्रकल्पाद्वारे समुद्राच्या पाण्यावर प्रक्रिया करून 200 दशलक्ष लिटर पिण्यायोग्य पाणी निर्माण करण्याचे उद्दिष्ट आहे.

निविदा प्रक्रियेचा संथ वेग, कंत्राटदारांचा मर्यादित प्रतिसाद आणि तांत्रिक गुंतागुंत या कारणांमुळे या प्रकल्पाला विलंब झाला आहे.

हे दोन्ही प्रकल्प पूर्ण होण्यास किमान आणखी चार वर्षे लागण्याची शक्यता असल्याने, मुंबईला पाणीपुरवठ्यासाठी प्रामुख्याने आपल्या सात तलावांवरच अवलंबून राहावे लागणार आहे.

शहराची लोकसंख्या वाढत असल्याने पाण्याची मागणी आणि पुरवठा यांमधील तफावत अधिक वाढण्याची शक्यता असल्याचे महानगरपालिकेच्या अधिकाऱ्यांनी इशारा दिला आहे.