नेरळ-माथेरान टॉय ट्रेनच्या वेळेत बदल, 'या' वेळेत धावणार ट्रेन

नेरळ आणि माथेरानमधील शटल ट्रेन सेवा नुकतीच 22 ऑक्टोबर 2022 पासून सुरू झाली. 3 वर्षं ही सेवा बंद होती. रेल्वे सेवा पुन्हा सुरू झाल्यानंतर लोकांनी चांगला प्रतिसाद दर्शविला आहे. त्यामुळे पुन्हा एकदा ट्रेनच्या वेळेत बदल करण्यात आला आहे. 

नेरळ-माथेरान दरम्यान धावणाऱ्या टॉय ट्रेनच्या वेळेत बदल करण्यात आला आहे. 8 डिसेंबरपासून, नेरळ-माथेरान-नेरळ मिनी ट्रेन सेवा 52105 नेरळहून दररोज 10.25 वाजता (2.20 ऐवजी) सुटेल आणि माथेरानला 1.05 वाजता (5 ऐवजी) पोहोचेल.

52106 माथेरान रोज सकाळी 4.00 वाजता (सकाळी 4.20 ऐवजी) निघेल आणि सकाळी 6.40 वाजता (सकाळी 7.00 ऐवजी) नेरळला पोहोचेल. 52103 आणि 52104 नेरळ - माथेरान सेवांच्या वेळेत कोणताही बदल झालेला नाही.

त्याचप्रमाणे अमन लॉज - माथेरान - अमन लॉज शटल सेवेच्या वेळेतही बदल केले आहेत. 

• 52155 अमन लॉज येथून 9.35 वाजता (10.45 ऐवजी) निघेल आणि माथेरानला 9.53 वाजता (11.03 ऐवजी) पोहोचेल.
• 52156 माथेरानहून १०.२० ऐवजी ९.१० वाजता निघेल आणि १०.३८ ऐवजी ०९.२८ वाजता अमन लॉजला पोहोचेल.
• 52159 अमन लॉजवरून २.२५ वाजता निघेल (२.०५ ऐवजी) आणि माथेरानला २.४३ वाजता (२.२३ ऐवजी) पोहोचेल.
• 52160 माथेरानला 2 वाजता निघेल (1.40 ऐवजी) आणि अमन लॉजला 2.18 वाजता पोहोचेल (1.58 ऐवजी).

115 वर्षे जुना नेरळ-माथेरान नॅरोगेज सेक्शन आता पर्यटकांना आकर्षक बनवत आहे. तीन वर्षांपूर्वी अतिवृष्टी आणि भूस्खलनामुळे या विभागात 20 हून अधिक ठिकाणी रुळांचे नुकसान झाले होते. सेक्शनमधील ट्रॅक आणि प्रवास सुधारण्यासाठी मध्य रेल्वेने अनेक पायाभूत सुविधांची कामे हाती घेतली आहेत.