Coronavirus Updates: रेल्वे कर्मचारी साफ ठेवताहेत लोकल

जीवघेण्या कोरोना व्हायरसच्या पार्श्वभूमीवर मुंबईसह राज्यभरात योग्य ती खबरदारी घेतली जात आहे. अशातच आता लोकलही स्वच्छ ठेवण्यात येत आहेत. सुरक्षेच्या दृष्टीने मुंबई महापालिका उपाययोजना करत आहे. त्याशिवाय, राज्य सरकारने देखील गर्दीच्या ठिकाणी न जाण्याचे आवाहन केले आहे. राज्यभरातील थेटर्स, मॉल, नाट्यगृह, जिम, स्विमींग पूल बंद ठेवण्याचे आदेश दिले आहेत. 

मुंबई लोकलमधून प्रवास करताना प्रवाशांना गर्दीचा सामना करावाच लागतो. कोरोना व्हायरस संसर्गजन्य असल्यामुळे रेल्वे प्रशासनाने गाडी शेवटच्या स्थानकावर पोहचल्यानंतर रेल्वेचे कर्मचारी सॅनिटाईजरने खिडक्या, दरवाज्याजवळील खांब, हँडल साफ करत आहेत. सोशल मीडियावर रेल्वेच्या कर्मचाऱ्यांचे फोटोग्राफ व्हायरल झाले आहेत.

देशभरात सध्या करोना विषाणूच्या प्रादुर्भावामुळे आणीबाणीची परिस्थिती निर्माण झाली आहे. महाराष्ट्रातही राज्य सरकारतर्फे खबरदारीचा उपाय म्हणून उपाययोजना राबवल्या जात आहेत. मुख्यमंत्री उद्धव ठाकरे यांनी ३१ मार्चपर्यंत राज्यातील थेटर्स, मॉल, नाट्यगृह, जिम, स्विमींग पूल बंद ठेवण्याचे आदेश दिले आहेत. याचसोबत लोकांनी गर्दीच्या ठिकाणी जाणं टाळावं यासाठीही सूचना देण्यात आल्या आहेत.