देशाची आर्थिक राजधानी असलेल्या मुंबईत (mumbai) अलिकडेच झालेल्या एका व्यवहाराने संपूर्ण रिअल इस्टेट क्षेत्राचे लक्ष वेधून घेतले आहे.
मुंबईतील सर्वात महागड्या जागांपैकी एक असलेल्या नरिमन पॉइंटमध्ये रिझर्व्ह बँकेने (RBI) 4.61 एकर जमीन खरेदी (Land dealing) केली आहे.
ही जमीन मुंबई मेट्रो रेल कॉर्पोरेशन लिमिटेड (MMRCL) कडून 3,472 कोटी रुपयांना खरेदी करण्यात आली आहे आणि या कराराला या वर्षातील सर्वात मोठा जमीन व्यवहार मानले जात आहे.
ही जागा महत्त्वाची आहे कारण ती मंत्रालयाच्या मुख्यालयाजवळ, मुंबई उच्च न्यायालयाच्या (bombay high court) आणि अनेक मोठ्या कंपन्यांच्या जवळ आहे.
आर्थिक व्यवहारांचे केंद्र असलेल्या नरिमन पॉइंटमध्ये जमिनीच्या कमतरतेमुळे येथे उपलब्ध असलेली प्रत्येक जमीन दुर्मिळ मानली जाते. अशा ठिकाणी आरबीआयने जमीन संपादित करणे ही एक मोठी कामगिरी आहे.
गेल्या वर्षी एमएमआरसीएलने या जमिनीच्या विक्रीसाठी आंतरराष्ट्रीय निविदा काढण्याचा निर्णय घेतला होता. नरिमन पॉइंटमध्ये पहिल्यांदाच कोणत्याही जमिनीचा लिलाव होत असल्याने, त्याला व्यापक प्रतिसाद मिळण्याची अपेक्षा होती.
परंतु या वर्षी जानेवारीमध्ये आरबीआयने आपले मुख्यालय विस्तारण्यासाठी जमीन खरेदी करण्याची इच्छा व्यक्त केली. आरबीआयच्या प्रस्तावाचा विचार करून एमएमआरसीएलने अखेर निविदा रद्द केली आणि थेट आरबीआयची ऑफर स्वीकारली.
हेही वाचा
Share
Tweet
