पंजाबमध्ये फिरायला गेलो की चंदीगडच्या रॉक गार्डनला पर्यटक नक्कीच भेट देतात. पण आता चंदीगडसारखं रॉक गार्डन मुंबईत सुद्धा पाहायला मिळू शकतं. चंदीगडच्या धर्तीवर महापालिका मुंबईत रॉक गार्डन उभारणार आहे. सर्वात महत्त्वाचं हे रॉक गार्डन कचऱ्यापासून बनवण्यात येणार आहे.
मुंबईत दिवसाला सात हजाराहून अधिक मेट्रिक टन कचरा जमा होतो. या कचऱ्याची विल्हेवाट लावण्यासाठी महापालिकेचे प्रयत्न सुरू आहेत. मात्र अद्याप सुक्या कचऱ्याची समस्या कायम आहे. सुक्या कचऱ्यात मातीची भांडी, काचेच्या बांगड्या, निरुपयोगी विद्युत उपकरणं, सिमेंटच्या पिशव्या अशा सुक्या कचऱ्यापासून रॉक गार्डन साकारण्याची मागणी पालिकेच्या महासभेत मंजूर करण्यात आली होती.
मुंबईत ४६ ठिकाणी सुका कचरा वर्गीकरण केंद्र आहेत. या केंद्रांमध्ये सुका कचऱ्याचे म्हणजेच प्लास्टिक, काच असा वस्तूंचं वर्गीकरण करण्यात येतं. या कचऱ्यापासून रॉक गार्डन सुरू करण्याचा प्रस्ताव घनकचरा विभागामार्फत तयार करण्यात येणार आहे.
पंजाब इथल्या चंदीगड शहरात रॉक गार्डन साकारण्यात आलं आहे. यात टाकाऊ वस्तूंपासून प्राणी, पक्षी, बाहुली अशा प्रतिकृती टाकाऊ कचऱ्यापासून साकारण्यात आल्या आहेत.
हेही वाचा
Share
Tweet
