1 ऑगस्टपासून (august) महाराष्ट्रासह (maharashtra) मुंबईत (mumbai) काही महत्त्वाच्या नियमात (rules) बदल होणार आहे. यामुळे तुमच्या खिशाला कात्री लागणार आहे. यामध्ये क्रेडिट कार्ड, यूपीआय, घरगुती गॅस सिलिंडर, सीएनजी आणि बँकांशी संबंधित काही नियम बदलतील.

यापूर्वी, पुढील महिन्याचे बजेट आणि नियोजन आधीच करा. यामुळे तुम्हाला आर्थिक समस्या टाळण्यास मदत होईल.

क्रेडिट कार्डशी संबंधित काही बदल होतील. जर तुम्ही एसबीआय कार्ड वापरत असाल तर 11 ऑगस्टपासून काही को-ब्रँडेड कार्डवर एक वर्षाचा मोफत अपघात विमा उपलब्ध होणार नाही.

आतापर्यंत एसबीआय, यूको बँक, सेंट्रल बँक आणि पीएसबी तसेच करूर वैश्य बँक काही कार्डवर 50 लाख ते 1 कोटी रुपयांचा विमा देत होती. आता ही सुविधा बंद केली जाईल. याचा परिणाम कार्डधारकांवर होऊ शकतो.

घरगुती आणि व्यावसायिक गॅस सिलिंडरच्या किमतीत बदल होण्याची शक्यता आहे. दर महिन्याच्या पहिल्या तारखेप्रमाणे, तेल कंपन्या ऑगस्टच्या सुरुवातीला सिलिंडरच्या किमतीत देखील बदल करतील.

जुलैमध्ये 19 किलोच्या व्यावसायिक सिलेंडरच्या किमतीत 60 रुपयांची कपात करण्यात आली होती. परंतु घरगुती गॅस सिलेंडरच्या किमती त्याच राहिल्या. आता 1 ऑगस्टपासून घरगुती गॅस सिलेंडरच्या किमतीही कमी होण्याची अपेक्षा आहे.

UPI द्वारे पैसे भरणाऱ्यांसाठी नवीन नियम लागू होतील. जर तुम्ही Paytm, PhonePe किंवा Google Pay वापरत असाल, तर National Payments Corporation of India ने काही मर्यादा निश्चित केल्या आहेत.

सध्या तुम्ही दिवसातून 50 वेळा खात्यातील शिल्लक तपासू शकता. याशिवाय, तुम्हाला मोबाईल नंबरशी जोडलेल्या खात्यांची माहिती 25 वेळा मिळू शकते.

ऑटोपे व्यवहारांसाठी एका दिवसात तीन टाइम स्लॉट उपलब्ध करून दिले जातील. सकाळी 10 वाजण्यापूर्वी एक, दुपारी 1 ते संध्याकाळी 5 वाजेपर्यंत दुसरा आणि रात्री 9.30 नंतर तिसरा. जर पेमेंट व्यवहार पूर्ण झाला नाही, तर त्याची स्थिती दिवसातून तीन वेळा तपासता येणार आहे.

हेही वाचा

कोकण रेल्वेच्या रो-रो सेवेला अत्यल्प प्रतिसाद

सायन: सायकलिंग ट्रॅक पार्किंगमध्ये रूपांतरित करण्याची योजना रद्द