फ्रान्सचे राष्ट्राध्यक्ष इमॅन्युएल मॅक्रॉन (Emmanuel Macron) यांच्या मुंबई दौऱ्याच्या पार्श्वभूमीवर मुंबई पोलिसांनी मंगळवार, 17 फेब्रुवारी 2026 रोजी दक्षिण मुंबईत (south mumbai) विशेष वाहतूक निर्बंध (No entry) लागू करण्याची घोषणा केली आहे.

नवशक्तीने दिलेल्या वृत्तानुसार, उच्चस्तरीय भेटीमुळे गेटवे परिसरात कडेकोट सुरक्षा व्यवस्था तैनात करण्यात येणार आहे. नागरिकांच्या सुरक्षिततेसाठी वाहतुकीत (traffic) बदल करण्यात आले आहेत.

गेटवे ऑफ इंडिया (gateway of india) येथे 'इंडिया-फ्रान्स इयर ऑफ इनोव्हेशन' या मुख्य कार्यक्रमाचे आयोजन करण्यात आले आहे. हा कार्यक्रम फ्रान्सच्या वाणिज्य दूतावासातर्फे 14 ते 22 फेब्रुवारीदरम्यान आयोजित उपक्रमाचा भाग आहे.

तसेच, राष्ट्राध्यक्ष मॅक्रॉन यांच्या भेटीदरम्यान ताज महाल पॅलेस येथे 'इंडिया-फ्रान्स इनोव्हेशन फोरम' होणार आहे.

या फोरममध्ये दोन्ही देशांतील उद्योगपती, स्टार्टअप उद्योजक, संशोधक आणि धोरणकर्ते सहभागी होणार आहे. नवकल्पना आणि तंत्रज्ञान सहकार्यावर चर्चा होणार आहे.

कधी आणि कुठे निर्बंध?

दिनांक : 17 फेब्रुवारी 2026
वेळ : दुपारी 2.00 ते रात्री 9.00
क्षेत्र : गेटवे ऑफ इंडिया परिसर व आजूबाजूचे मार्ग
अत्यावश्यक वाहनांना सूट : रुग्णवाहिका, पोलीस, अग्निशमन, व्हीआयपी व अत्यावश्यक सेवा वाहने