भुजबळ कुटुंबीयांच्या अडचणी संपण्याची चिन्हे नाहीत. समीर आणि पंकज भुजबळ यांच्याविरोधात नुकताच लाच लुचपत प्रतिबंधक विभागाने आणखी एक गुन्हा नोंदवला आहे.
ओशिवरा येथील म्हाडाच्या रहिवासी भूखंडावर खोटी गृहनिर्माण संस्था स्थापन करून परवानगी नसतानाही त्या संपूर्ण भूखंडावर कमर्शियल कॉम्प्लेक्स उभारल्याप्रकरणी समीर आणि पंकज भुजबळ यांच्या विरोधात लाच लुचपत प्रतिबंधक विभागाने गुन्हा नोंदवला आहे. विशेष म्हणजे या गुह्यात अनेक बड्या अधिकाऱ्यांना देखील आरोपी बनवण्यात आले आहे. प्रथम माहिती अहवाल (एफआयआर) दाखल होताच या इमारतीवर गुरुवारी धाड टाकण्यात आली.
बेहिशोबी मलमत्ता आणि महाराष्ट्र सदन घोटाळा संबंधातली ही पुढची करवाई आहे.
- किरीट सोमय्या, नेता, भाजपा
यांनी गृहनिर्माण संस्थेच्या सभासदांची कोणतीही पडताळणी न करता बोगस सभासदांना पात्र ठरवल्याचे लाचलुचपत प्रतिबंधक विभागा (एसीबी) च्या तपासातून समोर आले आहे.
अधिकार नसतानाही बेकयदेशीररित्या खोट्या गृहनिर्माण संस्थेला शासनाकडून मिळालेल्या निवासी भूखंडाचा वापर 100 टक्के अनिवासी करण्यास अनुमती दिल्याचा ठपका यांच्यावर ठेवण्यात आला आहे. या प्रकरणात प्रमोटर असलेल्या भावेश बिल्डर्सचे संचालक असलेले पंकज आणि समीर भुजबळ यांना देखील आरोपी करण्यात आले आहे.
हे देखील वाचा -
भुजबळ म्हणतायत 'आता तरी सोडा राव'!
दीड वर्षांनंतर भुजबळ विधिमंडळात ठेवणार 'पहिलं पाऊल'
डाऊनलोड करा Mumbai live APP आणि रहा अपडेट
मुंबईशी संबंधित प्रत्येक बातमी आणि अपडेट मिळवण्यासाठी Mumbai live च्या फेसबुक पेजला लाईक करा
(खाली दिलेल्या कमेंट बॉक्समध्ये तुमच्या प्रतिक्रिया अवश्य द्या)