पीएनबी घोटाल्यातील सह आरोपी मेहुल चोक्सीवर ईडीने कारवाईचा बडगा उगारत त्याची १५१ कोटींची संपत्ती जप्त केली आहे. यापूर्वी ईडीने या प्रकरणातील मुख्य आरोपी नीरव मोदी यांच्या आलिशान गाड्या आणि अलिबागच्या बंगल्यावर कारवाई केली होती.
लेटर ऑफ अंडरटेकिंग देऊन पीएनबीमध्ये झालेल्या ११ हजार ३६० कोटींच्या फसवणुकीप्रकरणी नीरव मोदी आणि मेहुल चोक्सी सध्या ईडीच्या रडारवर आहेत. ईडीने केलेल्या तक्रारीनंतरच लंडनमध्ये बिनदिकत्त फिरणाऱ्या नीरव मोदीला तुरुंगात टाकण्यात आलं. ईडीने आतापर्यंत नीरवची कोट्यावधी रुपयांची मालमत्ता हस्तगत केली आहे. या जप्त मालमत्तेत नीरवच्या वरळी आणि अलिबाग येथील फार्महाऊसवर उभ्या असलेल्या ८६ कोटी रुपयांच्या ८ अलिशान कारचा समावेश आहे. तसंच ईडीने ५६०० कोटींचे मौल्यवान दागिने हस्तगत करत नीरवच्या २९ प्राॅपर्टीजना सील ठोकलं आहे.
बॉम्बे स्टॉक एक्स्चेंजमधील गीतांजली जेम्स ही कंपनी विक्रीला काढत बँकांनी काही दिवसांपूर्वी चोक्सीला दणका दिला होता. गीतांजली जेम्स या कंपनीकडे बँकांची १२, ५५८ कोटी रुपयांची थकबाकी आहे. ही थकबाकी वसूल करण्यासाठी ईडीने चोक्सीभोवती फास आवळण्यात सुरूवात करत त्याच्या १५२ कोटींच्या मालमत्तेवर जप्ती आणली आहे.
हेही वाचा-
झाकीर नाईकच्या खात्यात ४९ कोटी, ईडीचा न्यायालयात दावा
पुरुषांसाठी 'MenToo' चळवळ सुरू करायची गरज: पूजा बेदी
Share
Tweet
