तरूणीला चालत्या लोकलमधून फेकलं, नालासोपाऱ्यातील घटना

Nala Sopara

विरारमध्ये एका १९ वर्षांच्या तरुणीला चालत्या लोकलमधून खाली फेकल्याचा धक्कादायक प्रकार समोर आला आहे. कोमल चव्हाण असं या तरूणीचं नाव असून या घटनेत ती गंभीर जखमी झाली आहे. कोमलला त्वरीत उपचारासाठी रुग्णालयात दाखल करण्यात आलं असून या प्रकारानं पुन्हा एकदा महिला रेल्वे प्रवाशांच्या सुरक्षेचा मुद्दा ऐरणीवर आला आहे.

गुरुवारी रात्री ९.३० वाजण्याच्या सुमारास हा प्रकार घडला. नालासोपारा येथे राहणाऱ्या काेमलने कामावरून घरी परतण्यासाठी विरार रेल्वे स्थानकातून लोकल पकडली. ती महिलांच्या डब्यात बसली होती. लोकल सुरु होताच एक अनोळखी व्यक्ती त्या डब्यात चढली आणि कोमलकडं पैसे मागू लागली. कोमलनं या व्यक्तीला पैसे देण्यास नकार दिल्यावर तिनं विरार आणि नालासोपारादरम्यान कोमलला चालत्या गाडीतून खाली फेकून दिलं.

कोमलच्या खांद्याला जबर दुखापत झाली असून तिच्या खांद्यावर विरारमधील खासगी रुग्णालयात शस्त्रक्रिया करण्यात आली आहे. त्याशिवाय तिच्या गुढघ्यालाही गंभीर मार बसला आहे. महत्त्वाचे म्हणजे ज्या वेळेस कोमल महिलांच्या डब्यात चढली, तेव्हा डब्यात ती एकटीच होती, डब्यात एकही पोलीस कर्मचारी नव्हता.

कोमलला चालत्या गाडीतून फेकून देणारी व्यक्ती अजूनही फरार असून पोलीस सीसीटीव्ही फुटेजच्या मदतीनं शोध घेत आहेत.

हे देखील वाचा -