महाराष्ट्र (maharashtra) राज्य माध्यमिक आणि उच्च माध्यमिक शिक्षण मंडळाने एसएससी (SSC), एचएससी (HSC) परीक्षांच्या तारखा जाहीर केल्या आहेत. 2025 मधील एसएससी (SSC) आणि एचएससी (HSC)च्या परीक्षा नेहमीपेक्षा लवकर होतील.
परीक्षेच्या तारखांबाबत कोणतीही माहिती कळवण्यासाठी शाळांना 23 ऑगस्टपर्यंत वेळ देण्यात आला आहे. 2024 मध्ये महाराष्ट्रातील 12वी बोर्ड परीक्षा आणि 2025 मध्ये 10वी बोर्ड परीक्षांचे वेळापत्रक लवकरच बोर्डाच्या अधिकृत वेबसाइट https://mahasscboard.in/ वर उपलब्ध होईल.
बोर्डाचे अध्यक्ष शरद गोसावी यांनी टाईम्स ऑफ इंडीयाला दिलेल्या निवेदनानुसार, विद्यार्थ्यांना प्रवेश परीक्षांच्या तयारीसाठी अधिक वेळ देणे, लवकर निकाल आणि पुरवणी परीक्षा (exam) देणे आणि प्रवेश प्रक्रिया नीट पार पाडण्यासाठी तसेच यासह विविध कारणांसाठी हा निर्णय घेण्यात आला आहे.
परीक्षेचे वेळापत्रक:
एसएससी विद्यार्थ्यांसाठी लवकर परीक्षा आणि निकाल जाहीर केल्याने प्रथम वर्ष कनिष्ठ महाविद्यालयीन प्रवेश जलद होईल.
याव्यतिरिक्त, फेब्रुवारी-मार्च 2025 मध्ये बाहेरुन बसणाऱ्या एसएससी (SSC)आणि एचएससी (HSC) परीक्षा देणाऱ्या विद्यार्थ्यांसाठी फॉर्म-17 ऑनलाइन भरण्याची प्रक्रिया मंगळवार, 13 ऑगस्टपासून सुरू होईल. फॉर्म 17 ऑगस्ट 13 ते 30 सप्टेंबरपर्यंत उपलब्ध असेल. एसएससी विद्यार्थ्यांसाठी शुल्क रु. 1,100, तर बारावीच्या विद्यार्थ्यांना 700 रुपये शुल्क भरावे लागेल.
हेही वाचा
Share
Tweet
