चार्टर्ड अकाऊंटंट (सीए) आणि एसवाय बीएमएस सेमिस्टर तीनची परीक्षा एकाच दिवशी आल्याने मुंबई विद्यापीठाने बीएमएसची परीक्षा एक दिवस पुढे ढकलली आहे. त्यामुळे २ नोव्हेंबर रोजी होणारा बीएमएसचा पेपर ३ नोव्हेंबर रोजी होणार असून, त्यापुढील पेपर नियोजित वेळापत्रकानुसार घेण्यात येणार आहेत.
मुंबई विद्यापीठाची हिवाळी सत्राची एसवाय बीएमएसच्या सेमिस्टर तीन (चॉइस बेस), एसवाय बीएमएस सेमिस्टर तीन या अभ्यासक्रमांची परीक्षा २ नोव्हेंबर रोजी होणार होती. याच दिवशी सीएची परीक्षा होणार असल्यान विद्यापीठाने विद्यार्थ्यांची गैरसोय होऊ नये म्हणून परीक्षेच्या वेळापत्रकात अल्पसा बदल केला आहे.
त्यानुसार संबंधित अभ्यासक्रमांची परीक्षा २ नोव्हेंबरऐवजी ३ नोव्हेंबर रोजी घेण्यात येणार असल्याच मुंबई विद्यापीठाच्या परीक्षा व मूल्यमापन विभागाकडून कळवण्यात आले आहे.
याआधी चार्टर्ड अकाऊंटंट (सीए) आणि एसवाय बीकॉम सेमिस्टर तीनची परीक्षा एकाच दिवशी आल्यान एसवाय बीकॉमची परीक्षाही पुढे ढकलण्यात आली होती.
हेही वाचा-
एसवाय बीकॉमचा पेपर एक दिवसांनी पुढे ढकलला
लॉ च्या नव्या परीक्षांविरोधात विद्यार्थी कोर्टात; १९ ऑक्टोबरला सुनावणी