कोरोना व्हायरसचा सर्वात जास्त फटका चीन पाठोपाठ इटली आणि अमेरिकेला बसला आहे. अमेरिकेत आपतकालीन आणीबाणी घोषित करण्यात आली आहे. हॉलिवूडमधील अनेक कलाकारांना करोना या विषाणूची लागण झाली आहे. त्यामुळे उपचारांसाठी त्यांना घरातील एका खोलीत ठेवण्यात आलं आहे. टॉम हँक्स आणि अभिनेत्री ओल्ग कुरिलैंको यांच्यानंतर आता हॉलिवूड अभिनेता इदरिस एल्बानला कोरोना झाला आहे.
कोरोनाची लागण झाल्याचं त्यानं सोशल मीडियावर सांगितलं आहे. त्यानं स्वतःचा एक व्हिडिओ ट्विटरवर शेअर केला आणि तो कोरोना पॉझिटीव्ह असल्याचं स्पष्ट केलं. इदरिसनं ट्विटरवर व्हिडिओ शेअर करत त्याला कोरोना विषाणूची लागण झाल्याचं सांगितलं. तसंच याची कोणतीही लक्षणं त्याला जाणवत नसल्याचंही तो म्हणाला. त्याची प्रकृती चांगली असल्याचंही त्यानं यावेळी सांगितलं.
This morning I tested positive for Covid 19. I feel ok, I have no symptoms so far but have been isolated since I found out about my possible exposure to the virus. Stay home people and be pragmatic. I will keep you updated on how I’m doing 👊🏾👊🏾 No panic. pic.twitter.com/Lg7HVMZglZ
— Idris Elba (@idriselba) March 16, 2020
त्यानं ट्वीट करत म्हटलं की, 'आज सकाळी मला कळालं की मी करोना पॉझिटीव्ह आहे. मला बरं वाटतंय आणि अजूनपर्यंत करोनाची कोणतीही लक्षणं माझ्यात जाणवतं नाहीयेत. असं असलं तरी मी स्वतःला सगळ्यांपासून वेगळं ठेवलं आहे. सर्वांनी घरात राहा आणि योग्य ती काळजी घ्या. घाबरण्याचं काही कारण नाही. मी माझ्या तब्येतीबद्दल वेळोवेळी सांगत राहीन.'
प्रसिद्ध मॉडेल आणि सेलिब्रिटी हाइडी क्लुमनेही स्वतःला एका खोलीत बंद करून घेतलं असून तिला करोना व्हायरसची लागण झाल्याचा संशय आहे. करोनाच्या तिने चाचण्याही केल्या पण अजूनपर्यंत त्याचं निदान झालेलं नाही. जागतिक आरोग्य संस्थेनं कोरोनाला संसर्गजन्य रोग म्हणून घोषित केलं आहे. करोनाच्या हाहाकारानंतर अनेक कार्यक्रम, सभा आणि सिनेमा, मालिकांचं चित्रीकरण तातडीनं बंद करण्यात आलं.
हेही वाचा
Share
Tweet
