मुंबईतील गणपती केवळ उंचीसाठीच नव्हे, तर मूर्तीचे रूप, आकर्षक सजावट आणि देखाव्यांसाठीही प्रसिद्ध आहेत. विविध देखाव्यांच्या माध्यमातून सामाजिक संदेश देण्यात अनेक सार्वजनिक गणेशोत्सव मंडळ पुढाकार घेतात. अशा सर्वच बाबतीत सरस असणाऱ्या मंडळाच्या गणपतीला मुंबई महापालिकेतर्फे दरवर्षी ‘गणेश गौरव पुरस्कार’ देऊन सन्मानित करण्यात येतं.
महापालिकेनं यंदाच्या पुरस्कारांची घोषणा केली असून ना. म. जोशी मार्ग येथील पंचगंगा सार्वजनिक गणेशोत्सव मंडळानं या स्पर्धेत पहिलं स्थान पटकावलं आहे. या मंडळाला ७५ हजार रुपयांचं पारितोषिक देण्यात येईल.
तर युवक उत्कर्ष मंडळ, गेट क्र. ६, मालवणी, मालाड (प) आणि श्री गणेश क्रीडा मंडळ, चकाला, अंधेरी (पू) या मंडळांनी अनुक्रमे दुसरा (५० हजार रु.) आणि तिसरा (३० हजार रु) क्रमांक पटकावला आहे.
मुंबई महापालिकेतर्फे १९८८ पासून या स्पर्धेचं आयोजन करण्यात येत आहे. यावर्षीच्या स्पर्धेत एकूण ६३ गणेशोत्सव मंडळ सहभागी झाले होते. परीक्षक मंडळाने सर्व गणेश मंडळाच्या गणेश मूर्ती आणि देखाव्याचं परिक्षण करून विविध श्रेणीतील विजेत्यांची निवड केली.
वैयक्तिक श्रेणीत बाळ गोपाळ मित्र मंडळ (विलेपार्ल्याचा पेशवा), विलेपार्ले (पू) यांना २५ हजार रुपयांचं पारितोषिक, तर धी वरळी आंबेडकर नगर सार्वजनिक गणेशोत्सव मंडळ, वरळी यांना २० हजार रुपयांचं पारितोषिक देण्यात येईल.
उत्तेजनार्थ दोन पारितोषिक ( प्रत्येकी १० हजार रु.)
डाऊनलोड करा Mumbai live APP आणि रहा अपडेट
मुंबईशी संबंधित प्रत्येक बातमी आणि अपडेट मिळवण्यासाठी Mumbai live च्या फेसबुक पेजला लाईक करा
(खाली दिलेल्या कमेंट बॉक्समध्ये तुमच्या प्रतिक्रिया अवश्य द्या)