अच्छा मला सांगा एक बर्गर तुम्ही किती वेळात संपवू शकता? माझ्या मते एक बर्गर संपवण्यासाठी १० मिनिटं खूप आहेत. पण खाली फोटोमध्ये दिलेला बर्गर तुम्ही दहा मिनिटांमध्ये संपवू शकता का?
या बर्गरची साईज पाहून तर १० मिनिटात हा बर्गर संपवणं कठीणच नाही तर अशक्य आहे. या महाकाय बर्गरचं नाव आहे 'कॉड्रपल बर्गर'. या मॉनस्टर बर्गरला संपवणं हेच एक मोठं चॅलेंज आहे आणि हे तुम्हाला ठराविक वेळेत पूर्ण करायचं आहे. नवी मुंबईतल्या 'फॅट किड डेली' इथं हा कॉड्रपल बर्गर मिळतो.
या महाकाय बर्गरची किंमत देखील त्याच्यासारखीच आहे. या बर्गरसाठी तुम्हाला १५०० रुपये मोजावे लागतील. महाकाय आणि एवढा हेवी बर्गर खाणं म्हणजे तुमच्या डाएटचा बँड वाजणार. म्हणून जर ही सर्व तयारी असेल तरच हे चॅलेंज स्विकारा.
महाकाय बर्गर सोडला तर तुम्ही इतरही काही पदार्थ इथं ट्राय करू शकता. फ्राईज ऑरीओ, डिप फ्राईड रेड वेल्वेट ऑरीओज, मॉनस्टर पिझ्झाज असे हटके पदार्थ देखील इथं उपलब्ध आहेत.
कुठे फॅट किड डेली, युनीट एफ२, पहिला मजला, हावरे पार्क, सेक्टर, ३० ए, वाशी, नवी मुंबई
हेही वाचा