हल्ली पोटभर जेवायचं म्हणजे हातात किमान १०० रुपये तरी हवेतच. त्यात पिझ्झा आणि बिर्याणी हा प्रकार असेल तर विचारूच नका. ते १०० रुपये देखील कमी पडतील. पण चारकोल इट्स या कॅफेनं खवय्यांसाठी एक भन्नाट डील आणली आहे!
स्वादिष्ट आणि उत्कृष्ट अशी बिर्याणी खायची असेल, तर खिशात १५० रुपये तरी असले पाहिजेत. साधा पिझ्झा खायचा असला तरी ५० रुपये पुरत नाहीत. पण मुंबईत असलेल्या चारकोल इट्स कॅफेतर्फे तुम्हाला एक भारी ट्रीट देण्यात आली आहे. फक्त ४९ रुपयांत तुम्हाला एक पूर्ण मिल मिळेल. एका मिलमध्ये एक मेन कोर्स आणि मिल्कशेक किंवा डिझर्टचा समावेश आहे.
व्हेज किंवा नॉनव्हेजमधील एक पदार्थ आणि डिझर्टपैकी एक पदार्थ तुम्ही निवडू शकता. तेही फक्त ४९ रुपयांमध्ये!
फक्त ११ मार्चला तुम्ही या ऑफरचा आनंद घेऊ शकता. सकाळी ११.३० ते रात्री ११ या वेळेत तुम्हाला ही ऑफर मिळेल. तुम्हाला जर या ट्रीटचा आनंद घ्यायचा असेल, तर त्यांच्या काही अटी आहेत त्या तुम्हाला मान्य कराव्या लागतील. ४९ रुपयात फक्त एकच व्यक्ती खाऊ शकते. तुम्ही जेव्हा ऑर्डर द्याल, तेव्हा नाव, फोन नंबर आणि इमेल आयडी शेअर करणं आवश्यक आहे. सर्वात महत्त्वाचं म्हणजे टॅक्स असेल तो तुमच्या ४९ रुपयांतच अॅड केलेला असेल.
'चारकोल बिर्याणी' या नावानं हा कॅफे ओळखला जायचा. पण आता चारकोल इट्स असं नवीन नाव कॅफेला देण्यात आलं आहे. दादर, वांद्रे, मालाड आणि अंधेरीत चारकोल इट्सचे आऊटलेट्स आहेत.
हेही वाचा
तुम्हाला चीझ खायला आवडतं? मग या फेस्टिव्हलला भेट द्या!