कल्याण-डोंबिवली महापालिका क्षेत्रात मंगळवारी नवीन २६८ कोरोना रूग्ण आढळले आहेत. तर ९ रुग्णाचा मृत्यू झाला आहे. आतापर्यंत २६४ रुग्णांचा मृत्यू झाला आहे.
मागील काही दिवसांपासून कल्याण - डोंबिवलीत रोज ५०० पेक्षा अधिक रुग्ण आढळत आहेत. मात्र, मंगळवारी रुग्णांची संख्या निम्म्याने घटल्याने थोडाफार दिलासा मिळाला आहे.
मंगळवारी ३८१ रुग्ण बरे झाले असून त्यांना घरी सोडलं आहे. कल्याण-डोंबिवलीत आतापर्यंत १० हजार ४२८ रुग्ण हे उपचारानंतर बरे होऊन घरी परतले आहेत.
नव्याने आढळून आलेल्या रुग्णांमध्ये कल्याण (पू) ४२, कल्याण (प) ६७, डोंबिवली (पू) १०१, डोंबिवली (प) ४७, मांडा-टिटवाळा ५, मोहना ५, पिसवलीतील एका रुग्णाचा समावेश आहे.
कल्याण-डोंबिवली महापालिका क्षेत्रात सध्या ५९१० रुग्णांवर उपचार सुरू आहेत.
Share
Tweet
