Advertisement
COVID-19 CASES IN MAHARASHTRA
Total:
54,05,068
Recovered:
48,74,582
Deaths:
82,486
LATEST COVID-19 INFORMATION  →

Active Cases
Cases in last 1 day
Mumbai
34,288
1,240
Maharashtra
4,45,495
26,616

अजय देवगणकडून महापालिकेला १ कोटी; दादरमध्ये उभारणार कोव्हिड सेंटर

मुंबईमधील कोरोनाबाधितांची संख्या लक्षात घेत मुंबई महापालिकेनं शिवाजी पार्क येथील भारत स्काऊट आणि गाईड हॉलचे २० बेड्सच्या आयसीयु रुग्णालयात रुपांतर केलं आहे.

अजय देवगणकडून महापालिकेला १ कोटी; दादरमध्ये उभारणार कोव्हिड सेंटर
SHARES

मुंबईमधील कोरोनाबाधितांची संख्या लक्षात घेत मुंबई महापालिकेनं शिवाजी पार्क येथील भारत स्काऊट आणि गाईड हॉलचे २० बेड्सच्या आयसीयु रुग्णालयात रुपांतर केलं आहे. या रुग्णालयामधील पॅरामॉनिटर्स, व्हेंटिलेटर्स आणि ऑक्सिजन सपोर्ट सिस्टीमसाठी अभिनेता अजय देवगणने मदत केली आहे. अजयने त्याच्या मित्रांसोबत मिळून १ कोटी रुपयांचा निधी या कामासाठी मुंबई महापालिकेला दिला आहे.

महापालिकेच्या बिझनेस डेव्हलपमेंट सेलकडे अजयच्या एनव्हाय फाऊण्डेशनकडून १ कोटी रुपये देण्यात आले आहेत. हा निधी मिळाल्यानंतरच महापालिकेनं या ठिकाणी ऑक्सिजन बेड्सची व्यवस्था असणारे सेंटर उभं करण्याचं काम युद्ध पातळीवर सुरु केलं.

हिंदुजा रुग्णालयामध्ये रुग्णसंख्या वाढल्याने तेथील उपलब्ध सुविधांवर ताण निर्माण झालेला. तसेच स्थानिकांनाही आयसीयु बेड्सची गरज होती. अजय देवगणने बीएमसीला केलेली मदत फार मोलाची आहे. या नव्या कोव्हिड सेंटरमुळे इतर मोठ्या रुग्णालयांवरील ताण कमी होईल. येथे येणाऱ्या रुग्णांना चांगले उपचार देण्याला आमचं प्राधान्य राहिलं. विशेष म्हणजे हे कोव्हिड सेंटर चालवण्यासाठी मदत करायला हिंदुजा रुग्णालयाने पुढाकार घेतला आहे. सध्या सर्वांनाच आयसीयुची गरज असल्याने याचा नक्कीच फायदा होईल, असं विशाखा राऊत यांनी एका वृत्तवाहिनीला दिलेल्या मुलाखतीत म्हटलं.

या केंद्राचा संपूर्ण कारभार माहीमच्या पी. डी. हिंदुजा रुग्णालयाच्या व्यवस्थापनाकडून पाहिला जाणार आहे. हिंदुजा रुग्णालय या २० बेड्सच्या केंद्राचं व्यवस्थापन पाहणार आहे. हे केंद्र म्हणजे हिंदुजाचेच एक्सटेन्शन असेल. येथील रुग्णांना जेवण, उपचार, औषधे सर्व काही पुरवलं जाईल. येथील डॉक्टर्स आणि नर्सही हिंदुजाचेच असती. राज्य सरकारने निर्धारित करुन दिलेल्या दरांप्रमाणे रुग्णांकडून पैसे घेतले जातील. हे उपचार परवडणारे असतील.

या ठिकाणी दादर पश्चिमेतील रुग्णांवर तसेच माहीम आणि आजूबाजूच्या परिसरातील रुग्णांवर उपचार केले जातील. अजय देवणग याने निधी गोळा करण्यासाठी पुढाकार घेतला असला तरी बोनी कपूर, आनंद पंडित यासारख्या व्यक्तींनीही या निधीमध्ये योगदान समजतं.

Read this story in हिंदी
संबंधित विषय
‘मुंबई लाइव्ह’च्या ताज्या बातम्यांसाठी सब्स्क्राईब करा