भारत बायोटेकने कोव्हॅक्सिनचे दर केले कमी!

सीरम इन्स्टिट्युटच्या कोविशील्ड लसी पाठोपाठ आता भारत बायोटेक या कंपनीने भारतीय बनावटीची कोरोना प्रतिबंधक लस असलेल्या कोव्हॅक्सिनचे दर देखील कमी केले आहेत. कंपनीने या आधी जाहीर केलेल्या दरांमध्ये २०० रुपयांची कपात करण्यात आली आहे. 

काही दिवसांपूर्वीच भारत बायोटेकने कोव्हॅक्सिनचा दर जाहीर केला होता. त्यानुसार कंपनीकडून केंद्र सरकारला ही लस प्रति डोस १५० रुपयांना, राज्य सरकारांना ६०० रुपये तर खासगी रुग्णालयांना १२०० रुपये प्रति डोस या किमतीला देण्यात येणार होती. परंतु सध्याच्या कोरोना संकटाच्या काळात केंद्रासह राज्य सरकारांचा आर्थिक डोलारा ढासळल्याने या किंमती कमी करण्याची विनंती केंद्राकडून दोन्ही कंपन्यांना करण्यात आली होती. 

हेही वाचा- सीरम इन्स्टिट्यूटनं कोविशील्डचे दर कमी केले, आता इतक्या किंमतीत लस मिळणार

Covaxin to be available to State governments at a price of Rs 400 per dose: Bharat Biotech pic.twitter.com/gPPFN7mJQo

— ANI (@ANI) April 29, 2021

त्यानुसार भारत बायोटेकने एक पत्रक प्रसिद्ध करत कोव्हॅक्सिनच्या किंमतीत कपात करत असल्याची माहिती दिली आहे. या पत्रकात भारत बायोटेकने म्हटलं आहे की, सध्या सार्वजनिक आरोग्य व्यवस्थेसमोर असलेली आव्हाने लक्षात घेऊन आम्ही आता कोव्हॅक्सिन ही लस राज्य सरकारांना ४०० रुपये प्रति डोस या किमतीने देणार आहोत. राज्य सरकारांसाठी हा माेठा दिलासा ठरणार आहे. तर, खासगी रुग्णालयांना मात्र या लसीसाठी १२०० रुपये प्रति डोस हीच किंमत मोजावी लागणार आहे.

सीरम इन्स्टिट्युट ऑफ इंडियाने बुधवारीच आपल्या कोविशिल्ड लसीचे दर कमी केले. या नव्या दरांनुसार कोविशील्ड लस आता राज्य सरकारांना ३०० रुपये प्रति डोस या किमतीने मिळणार आहे.  

(bharat biotech cuts rate of covaxin vaccine by 200 rupees for state government)

हेही वाचा- मुंबईत पुढील ३ दिवस लसीकरण बंद, महापालिकेची माहिती