कोरोना प्रतिबंधक लसीकरण मोहिमेतंर्गत बृहन्मुंबई महानगरपालिका फक्त महिलांसाठी राखीव असं विशेष लसीकरण सत्र राबवणार आहे. शुक्रवारी १७ सप्टेंबर २०२१ ला सकाळी १०.३० ते सायंकाळी ६.३० या वेळेत महानगरपालिका कोरोना लसीकरण केंद्रांवर फक्त महिलांसाठी राखीव लसीकरण सत्र राबवलं जाईल.
१७ सप्टेंबर, २०२१ रोजी मुंबईतील शासकीय व महानगरपालिकेच्या लसीकरण केंद्रांमध्ये केवळ महिलांना कोविड-१९ प्रतिबंधक लस देण्यात येईल.
— माझी Mumbai, आपली BMC (@mybmc) September 16, 2021
ह्या केंद्रांवर सकाळी १०:३० - संध्याकाळी ६:३० या वेळेत महिला थेट जाऊन लस घेऊ शकतात. ऑनलाईन नोंदणी बंद ठेवण्यात आली आहे.#MyBMCVaccinationUpdate
यात महिलांना थेट लसीकरण केंद्रावर येऊन कोरोना प्रतिबंधक लसीची पहिली किंवा दुसरी मात्रा घेता येणार आहे. या विशेष सत्राकरिता उद्यासाठीची ऑनलाइन पूर्व नोंदणी बंद ठेवण्यात येणार आहे.
मुंबईत उद्याचा (१७ सप्टेंबर) दिवस महिला लसीकरणासाठी राखीव दिवस आहे. कोविड-१९ विषाणू प्रतिबंधक लसीकरण वेगानं आणि अधिकाधिक नागरिकांपर्यंत पोहोचवण्यासाठी मुंबई महानगरपालिका प्रयत्नशील असल्याचं सांगितलं जात आहे.
Women in Mumbai - Assemble!
— माझी Mumbai, आपली BMC (@mybmc) September 16, 2021
All Govt. and BMC vaccination centers will be administering vaccines to only women this Friday. (17.09.2021)
The centres will be open from 10.30 am - 6:30 pm.
All women can walk into the centres for their dose, online registration will be closed.
याच पार्श्वभूमीवर, शहरात विशेष लसीकरण सत्र राबवण्यात येणार आहेत. याचाच एक भाग म्हणून फक्त महिलांसाठी राखीव विशेष कोविड प्रतिबंधक लसीकरण सत्र १७ सप्टेंबर या दिवशी सकाळी १०.३० ते सायंकाळी ६.३० ह्या वेळेत राबवलं जाणार आहे.
मुंबईतील सर्व २२७ निर्वाचन प्रभागांमधील लसीकरण केंद्र आणि त्यासोबत सर्व शासकीय आणि महानगरपालिका रुग्णालयं आणि कोविड सेंटर येथील लसीकरण केंद्रावर थेट येऊन (वॉक इन) महिलांना कोविड लस घेता येणार आहे.
पहिली किंवा दुसरी मात्रा देखील या सत्रात दिली जाणार आहे. म्हणूनच, उद्या लसीकरणाची ऑनलाइन पूर्व नोंदणी बंद ठेवण्यात आली आहे. जास्तीत जास्त जणांचं लसीकरण पूर्ण व्हावं यासाठी असे उपक्रम निश्चित महत्त्वपूर्ण ठरू शकतील.
हेही वाचा
Share
Tweet
