कोरोना रुग्णांची संख्या नवी मुंबईत दिवसेंदिवस वाढत आहे. गुरूवारी २३६ नवीन रुग्ण आढळले आहेत. तर ९ जणांचा मृत्यू झाला आहे. नवी मुंबईत दिघा परिसर वगळता इतर भागांमध्ये रुग्णांची वाढ मोठ्या प्रमाणावर होत आहे. कोपरखैरणे आणि तुर्भे परिसरांत रुग्णवाढीचा वेग अधिक असल्याचं दिसून येत आहे. दोन्ही ठिकाणी प्रत्येकी रुग्णांची संख्या १ हजारांच्या जवळ पोचली आहे.
नवी मुंबईत १ जूनपासून रुग्णवाढीचा वेग वाढला आहे. सध्या कोपरखैरणे, नेरुळ आणि घणसोलीत रुग्णांचा आकडा अधिक आहे. वाशी येथील कृषी उत्पन्न बाजार समिती (एपीएमसी) मध्ये कोरोनाचा मोठा फैलाव झाला. त्यामुळे तुर्भे आणि कोपरखैरणेमध्ये रुग्णांची संख्या वाढत गेली. एपीएमसीमध्ये जाणारे कर्मचारी आणि माथाडी कामगार हे तुर्भे आणि कोपरखैरणे भागात राहतात. नवी मुंबईतील रुग्ण दुपटीचा कालावधी २५ दिवस आहे.
सुरूवातीला ऐरोलीमध्ये रुग्णसंख्या आटोक्यात होती. मे महिन्याच्या अखेरीस येथील रुग्णसंख्या १५० च्या आसपास होती. त्यानंतर १ जून ते २४ जून या कालावधीतऐरोलीतील रुग्णांचा आकडा ८०० वर गेला. कोपरखैरणे सेक्टर १९ सी मध्ये १ एप्रिल रोजी पहिला रुग्ण आढळला. बुधवारी एकाच दिवशी सहा रुग्ण आढळले. घणसोलीतही रुग्णसंख्यावाढीचा वेग कायम राहलेला आहे.
विभागनिहाय रुग्णसंख्या (२४ जूनपर्यंत)
नोड बाधित मृत्यू कोरोनामुक्त उपचार सुरू
बेलापूर ४१३ १७ २०३ १९३
नेरुळ ७९५ २१ ४७३ ३०१
वाशी ५६० १७ ३३७ २०६
तुर्भे ९६७ ४५ ८८६ २३६
कोपरखैरणे ९७४ ३३ ५४१ ४००
घणसोली ६६० १८ ३२६ ३१६
ऐरोली ७७८ १९ ३८४ ३७५
दिघा २४७ १० १३६ १००
एकूण ५३९३ १८० ३०८६ २१२७
Mission Zero: कोरोनावर नियंत्रण मिळवण्यासाठी 'मिशन झिरो' मोहीम
Coronavirus Pandemic: मुंबईत २१४१ रुग्णांची कोरोनावर मात, ५८ जणांचा दिवसभरात मत्यू
Share
Tweet
