मुंबईत कोरोना रुग्णांची संख्या आता घटत चालली आहे. मुंबईतील कोरोना रुग्ण दुप्पट होण्याचा कालावधी आता ७८ दिवसांवर पोहोचला आहे. तर रुग्ण वाढीचा दर ०.८९ टक्के झाला आहे.
सोमवारी मुंबईत कोरोनाचे नवीन ९७० रुग्ण आढळले. तर ४६ रुग्णांचा मृत्यू झाला. मुंबईतील कोरोना रुग्णांची संख्या आता नियंत्रणात येत असल्याचं दिसून येत आहे. मुंबईतील एकूण कोरोना रुग्णांची संख्या १ लाख १७ हजार ४२१ झाली आहे. यापैकी ९० हजार ८९ रुग्ण बरे झाले आहेत.
सोमवारी १,७९० रुग्ण बरे झाले असून त्यांना रुग्णालयातून घरी पाठवण्यात आलं आहे. आतापर्यंत ६ हजार ४९० रुग्णांचा मृत्यू झाला आहे.सध्या मुंबईत विविध रुग्णालयांमध्ये २० हजार ५४६ रुग्णांवर उपचार सुरू आहेत. राज्यात सोमवारी करोनाच्या ८,९६८ नवीन रुग्ण आढळले आहेत. त्यामुळे एकूण रुग्णांची संख्या साडेचार लाखांपेक्षा अधिक झाली आहे.
राज्यात सोमवारी सलग तिसऱ्या दिवशी नवीन रुग्णांपेक्षा कोरोनामुक्त रुग्णांची संख्या अधिक आहे. सोमवारी १० हजार २२१ रुग्ण बरे होऊन घरी गेले. दररोज मोठ्या संख्येने रुग्ण बरे होत असल्याने राज्यातील ॲक्टीव्ह रुग्णांची (उपचार सुरू असलेले) संख्याही कमी होत आहे. आतापर्यंत राज्यभरात २ लाख ८७ हजार ०३० रुग्ण बरे झाले असून बरे होण्याचे प्रमाण ६३.७६ टक्के आहे. तर सध्या १ लाख ४७ हजार १७ रुग्णांवर (ॲक्टीव्ह) उपचार सुरू आहेत.
हेही वाचा
Share
Tweet
