मुंबईतील पहिला भूमिगत मेट्रो प्रकल्प असलेल्या मेट्रो-३ प्रकल्पाच्या कामानं गती पकडली आहे. कुलाबा-वांद्रे-सीप्झ या मेट्रो-३ प्रकल्पाचं भुयारी करणाचं काम ४५ टक्के पूर्ण झालं आहे. तसंच, या मार्गातील एकूण ३२ भुयारांपैकी ९ भुयारांचं काम पूर्ण झालं आहेत. ३३.५ किलोमीटर लांबीच्या मेट्रो मार्गासाठी २३१३६ कोटी रुपये खर्च येणार आहे.
कुलाबा-वांद्रे-सीप्झ या मेट्रो-३ प्रकल्पाच्या भुयारी करणाचं काम पूर्ण झाल्यावर या मार्गातील आरे ते वांद्रे-कुर्ला कॉम्प्लेक्स हा पहिला टप्पा २०१२ पर्यंत सुरू करण्यात येणार आहे. त्यानंतर वांद्रे-कुर्ला कॉम्प्लेक्स ते कफ परेड हा दुसरा टप्पा सुरू केला जाणार आहे. मेट्रो-३ च्या २३.६९ किलोमीटरचं भुयारीकरण मागील मार्च अखेरपर्यंत पूर्ण झाल्याचं समोर येत आहे.
भुयारीकरणाच्या कामासाठी विविध ठिकाणी १७ टनेल बोअरींग मशिन्स (टीबीएम) भूगर्भात उतरवण्यात आल्या आहेत. मागील मार्च महिन्यात गोदावरी-१ या टीबीएम मशिनद्वारे डोमेस्टीक एअरपोर्ट मेट्रो स्थानकापर्यंतचं २.९ किलोमीटरचं भुयारीकरण ४५५ दिवसांत पूर्ण करण्यात आलं आहे.
हेही वाचा -
कर्मचारी नसल्यानं चिंचपोकळी स्थानकातील तिकीट खिडकी बंद
बोरिवलीतील बाचाबाचीप्रकरणी उर्मिला मातोंडकरविरोधात तक्रार दाखल
Share
Tweet
