अायपीएल संपल्यानंतर क्रीडाशौकिनांना प्रो-कबड्डी लीगची पर्वणी अनुभवता येणार अाहे. प्रो कबड्डी लीगच्या सहाव्या मोसमाचा लिलाव ३० अाणि ३१ मे रोजी मुंबईत रंगणार असून जगभरातील ४२२ खेळाडूंवर बोली रंगणार अाहे. फ्यूचर कबड्डी हिरोज प्रोग्रॅममधून अालेले ८७ कबड्डीपटू अाणि परदेशातील ५८ खेळाडूंचा या लिलावात सहभाग असणार अाहे. त्याचबरोबर भारतासह इराण, बांगलादेश, जपान, केनिया, कोरिया, मलेशिया अाणि श्रीलंका यांसह १४ देशांच्या खेळाडूंवर बोली लागणार अाहे.
प्रो कबड्डी लीगने खेळ, धोरण अाणि खेळाच्या वाढीबाबत नेहमीच एक सर्वोच्च दर्जा प्रदान केला अाहे. सहाव्या मोसमातही प्रेक्षकांना खेळाची अस्सल मजा देण्याचा अामचा प्रयत्न असणार अाहे.
- अनुपम गोस्वामी, प्रो-कबड्डी लीगचे कमिशनर