उन्हाळ्याच्या दिवसात मोसंबीचा आंबट रस अमृतापेक्षा कमी नाही. मोसंबीत व्हिटॉमिन सी आणि पोटॅशियम भरपूर प्रमाणात असते. त्याचबरोबर त्यात फायबर्सही मुबलक प्रमाणात असतात. यामुळे आरोग्यासाठी मोसंबीचा रस अत्यंत फायदेशीर ठरतो. जाणून घेऊया मोसंबीच्या रसाचे फायदे.

• हिरड्यातून रक्त येण्याची समस्या ही व्हिटॉमिन सीच्या कमतरतेमुळे उद्भवते. मोसंबीच्या रसात व्हिटॉमिन सी भरपूर प्रमाणात असल्यानं या समस्येवर अतिशय फायदेशीर ठरतो.
• पचनक्रिया सुरळीत होण्यासाठी मोसंबीचा रस अतिशय उपयुक्त ठरतो. त्यातील आंबट-गोडपणामुळे आणि अॅसिडमुळे मोसंबीचा रस पचनक्रियेत मदत करतो. त्याचबरोबर पोटाच्या अनेक समस्या दूर करण्यासाठी मोसंबीचा रस फायदेशीर ठरतो.
•  मोसंबीचा रस मधुमेहींसाठीही उपयुक्त ठरतो. मधुमेहींनी २ चमचे मोसंबीचा रस, ४ चमचे आवळ्याचा रस आणि १ चमचा मध रोज सकाळी रिकाम्या पोटी घ्या आणि फरक पहा.
• रोज मोसंबीचा रस प्यायल्याने रक्तसंचार सुरळीत होतो. रोगप्रतिकराक क्षमता वाढते.
• मोसंबीच्या रसात कॅलरिज खूप कमी असतात. त्यामुळे वजन कमी करण्यासही मदत होते. मोसंबीचा रस मध घालून घेतल्यास वजनवाढीची समस्या आटोक्यात येते.
• गर्भवती महिलांसाठी मोसंबीचा रस खूप फायदेशीर आहे. याचा फायदा आई आणि गर्भातील बाळ दोघांना होतो.
• मोसंबीचा रस चेहऱ्याला लावल्याने काळे डाग, पिंपल्स दूर होण्यास मदत होते. मोसंबीच्या रसाने रक्त शुद्ध होते. परिणामी त्वचेचा पोत सुधारतो. त्वचा उजळ होते.
• मोसंबीचा रस पाण्यात घालून आंघोळ केल्यानं घामाची दुर्गंधी यांसारख्या समस्येंपासून सुटका होते.
• मोसंबीच्या रसामुळे कोलेस्ट्रॉल कमी होण्यास आणि रक्तदाबाची समस्या दूर होण्यास मदत होते.
•  मोसंबीच्या रसात कॉपर असते. त्यामुळे केसांचे कंडिशनिंग करण्यासाठी मोसंबीचा रस उपयुक्त ठरतो. मोसंबीच्या रसाने केस धुतल्यानं केस मुलायम, चमकदार होतात.
• मोसंबीच्या रसाने ओठांना मालिश केल्यास ओठ फाटण्याची समस्या कमी होते.

हेही वाचा

प्रमाणाच्या बाहेर चहा पिणं आरोग्यासाठी धोकादायक

उन्हाळ्यात हे '५' पदार्थ देतील गारवा