लोकसभा सार्वत्रिक निवडणूक 2024 राज्यात पाच टप्प्यात होणार आहे. पाचव्या टप्प्यात नाशिक जिल्ह्यातील 20 दिंडोरी आणि 21 नाशिक लोकसभा जागांवर 20 मे रोजी मतदान होणार आहे. त्यानुसार, मतदानाच्या दिवशी मतदारांना मतदानाचा हक्क बजावता यावा यासाठी काही ठिकाणी  सुट्टी किंवा कामाच्या तासांमध्ये बदल करण्यात आले आहेत.

मतदारांनी सुट्टी व सवलतींचा लाभ घेऊन मतदान करावे, असे आवाहन जिल्हाधिकारी तथा जिल्हा निवडणूक अधिकारी जलज शर्मा यांनी केले आहे.

लोकप्रतिनिधी कायदा, 1951 च्या कलम 135(बी) मध्ये मतदानाच्या दिवशी मतदारांना मतदानाचा हक्क बजावता यावा यासाठी ठराविक ठिकाणी कामाच्या वेळेत बदल किंवा सुट्टी देण्याची तरतूद आहे. शासनाच्या उद्योग, ऊर्जा, कामगार आणि खाण विभागाच्या 22 मार्च 2023 च्या परिपत्रकानुसार, पुढील आदेश जारी करण्यात आले आहेत.

मतदान मतदारसंघातील मतदार असलेले कामगार अधिकारी/कर्मचारी, जरी ते मतदान मतदारसंघाबाहेर काम करत असले तरी, त्यांना निवडणुकीच्या दिवशी मतदानाचा हक्क बजावण्यासाठी थोडा वेगळा वेळ दिला जाईल. मतदानाच्या दिवशी दिलेली सुट्टी सर्व औद्योगिक गट, महामंडळे, कंपन्या आणि संस्था, औद्योगिक उपक्रम किंवा उद्योग विभागाच्या अंतर्गत असलेल्या इतर आस्थापनांना लागू असेल.

अपवादात्मक परिस्थितीत, कर्मचारी, अधिकारी, कर्मचाऱ्यांना संपूर्ण दिवसाची रजा देणे शक्य नसल्यास मतदान क्षेत्रातील कर्मचाऱ्यांना मतदानाचा हक्क बजावण्यासाठी रजेच्या बदल्यात किमान दोन तासांची सूट दिली जाऊ शकते. यासाठी संबंधित जिल्हाधिकारी व जिल्हा निवडणूक अधिकारी यांची पूर्वपरवानगी घेणे आवश्यक राहील.

या परिपत्रकानुसार, उद्योग विभागाच्या अखत्यारीतील सर्व औद्योगिक समूह, महामंडळे, कंपन्या व संस्था, औद्योगिक उपक्रम इत्यादींनी परिपत्रकात दिलेल्या सूचनांचे योग्य प्रकारे पालन होत असल्याची खात्री करावी. योग्य रजा किंवा मतदानासाठी सवलत न मिळाल्याने मतदारांना मतदान करता आले नाही, अशी तक्रार आल्यास संबंधित व्यक्तीवर कारवाई करण्यात येईल, असे या परिपत्रकात म्हटले आहे.

हेही वाचा

दृष्टीहीन मतदारांसाठी ऑडिओ आणि ब्रेल लिपीचा वापर करण्यात येणार

राज्यात निवडणुकीच्या काळात ओपिनियन आणि एक्झिट पोलवर बंदी