“लसीकरणात महाराष्ट्र मागे पडल्यानेच कोरोनाने पुन्हा डोकं वर काढलं”

एकीकडे राज्यात कोरोनाबाधितांची संख्या वाढत असल्याने राज्य सरकारने सर्वसामान्यांना थेट लाॅकडाऊन लावण्याचा इशारा दिलेला असतानाच लसीकरणात महाराष्ट्र मागे पडल्यानेच कोरोनाने पुन्हा डोकं वर काढलं, असा आरोप भाजप आमदार आशिष शेलार यांनी केला आहे. मुंबईत आयोजित पत्रकार परिषदेत ते बोलत होते.

यावेळी आशिष शेलार (ashish shelar) यांनी सांगितलं की, लस उपलब्ध असतानाही लसीकरणात महाराष्ट्र मागे पडला. कोरोना लसीबाबत मंत्र्यांनीच गैरसमज पसरवले. राज्यातील साडेचार लाख आरोग्य कर्मचाऱ्यांच’ लसीकरणच झालं नाही. सरकार अपयशी! महाराष्ट्रात रडव्यांचं रडगाणे सुरुच राहिलं आणि पुन्हा कोरोनाने डोकं वर काढलं!

हेही वाचा- “बरेच हिशेब मुंबईकरांचे बाकी आहेत”, आशिष शेलारांचा शिवसेनेला टोला

राज्य सरकारमधील वरिष्ठ मंत्रीच जेव्हा कोरोना लसीकरणावर प्रश्न उपस्थित करतात तेव्हा त्यांच्यावर आरोग्य मंत्री काय कारवाई करणार?@BJP4Maharashtra @ChDadaPatil @Dev_Fadnavis pic.twitter.com/tSb6HaL0Sl

— Adv. Ashish Shelar - ॲड. आशिष शेलार (@ShelarAshish) February 17, 2021

तत्पूर्वी, राज्यात सार्वजनिक ठिकाणी कोरोना नियमांचं पालन होताना दिसत नाही. ही अतिशय चिंतेची बाब आहे. प्रशासनाने कोरोना नियंत्रणासाठी लागू असलेल्या नियमावलीची (एसओपी ) कडक अंमलबजावणी करावी. तर सर्वसामान्यांनीही मास्क वापरा, गर्दी टाळा अन्यथा पुन्हा एकदा लॉकडाऊनला सामोरे जावं लागेल, असा थेट इशारा राज्याचे मुख्यमंत्री उद्धव ठाकरे (uddhav thackeray) यांनी दिला होता.

(ashish shelar blames maharashtra government for slow covid 19 vaccination)