आगामी लोकसभा निवडणुकांच्या पार्श्वभूमीवर सत्ताधारी भाजपकडून ‘संपर्क फॉर समर्थन’ ही मोहीम हाती घेण्यात आली आहे. याअंतर्गत भाजपचे राष्ट्रीय अध्यक्ष अमित शाह मुंबई दौऱ्यावर आहेत. या दौऱ्यादरम्यान ते नामवंत व्यक्तींच्या भेटी घेणार आहेत. याशिवाय बुधवारी संध्याकाळी अमित शाह ‘मातोश्री’वर जाऊन शिवसेना पक्षप्रमुख उद्धव ठाकरे यांची भेट घेणार आहेत. मात्र ही भेट रद्द होणार की काय? अशी चर्चा सध्या राजकीय वर्तुळात रंगत आहे.
या दौऱ्यादरम्यान ते शिवसेना पक्षप्रमुख उद्धव ठाकरे यांच्यासह टाटा समुहाचे अध्यक्ष रतन टाटा, गायिका लता मंगेशकर आणि अभिनेत्री माधुरी दीक्षित यांची भेट घेणार आहेत. याशिवाय ते राज्याच्या निवडणूक समितीची बैठक घेणार आहेत.
या बैठकीत ते 2019 च्या लोकसभा निवडणुकीसाठी सुरू असलेली तयारी, लोकप्रतिनिधींच्या कामांचा आढावा, उमेदवारांची छाननी, पालकमंत्र्यांचे दौरे, घटक पक्ष आणि विविध संघटनांची स्थानिक पातळीवरची स्थिती या मुद्द्यांवर चर्चा होण्याची शक्यता आहे.
याशिवाय आज अमित शाह ‘मातोश्री’वर जाऊन शिवसेना पक्षप्रमुख उद्धव ठाकरे यांची भेट घेणार आहेत. भाजपकडून प्रसिद्ध करण्यात आलेल्या दौऱ्याच्या वेळापत्रकात ते संध्याकाळी 7.30 वाजता मातोश्री येथे उद्धव ठाकरे यांची भेट घेणार आहेत.
मात्र ही भेट रद्द होणार की काय? अशी चर्चा राजकीय वर्तुळात रंगत आहे.
हेही वाचा -
अमित शाह उद्धव ठाकरेंच्या भेटीला, युतीसाठी चर्चा होण्याची शक्यता