नव्वदीच्या दशकात आपल्या अदाकारीने सिनेरसिकांचं मन जिंकणारी बाॅलिवूड अभिनेत्री पूनम ढिल्लों लवकरच नव्या भूमिकेत दिसणार आहे. पूनम ढिल्लो यांना भारतीय जनता पक्षाने मुंबईच्या उपाध्यक्षपादाची जबाबदारी सोपवण्यात आली आहे.
पूनम ढिल्लों यांनी २००४ मध्ये भाजपामध्ये प्रवेश केला होता. मात्र तेव्हापासून त्या राजकारणात म्हणाव्या तशा सक्रीय नव्हता. तरीही नवीन जबाबदारी मिळाल्याने त्या पुन्हा एकदा पक्षात जोमाने कामाला लागणार आहेत.
प्रसार माध्यमांसोबत बोलताना त्या म्हणाल्या की, ''मी २००४ मध्ये भाजपात आले होते. परंतु वेगवेगळ्या वैयक्तीक जबाबदाऱ्यांमुळे मला राजकारणात म्हणावं तसं सक्रीय राहता आलं नाही. मला २ लहान मुलं होती. पण आता ती मोठी झाल्याने माझ्यावरील जबाबदारीचं ओझं कमी झालं आहे. त्यामुळे मी नव्या पदाची जबाबदारी समर्थपणे सांभाळू शकते. ''
पूनम ढिल्लों यांनी ४० वर्षांपूर्वी यशराज फिल्म्सच्या त्रिशूल सिनेमातून आपल्या करिअरला सुरूवात केली होती. त्यांनी ८० हून अधिक सिनेमांत काम केलं आहे. यांत नूरी, जय शिव शंकर आणि सोनी महिवाल इ. लोकप्रिय सिनेमांचा समावेश आहे.
हेही वाचा-
व्यंगचित्रातूनच भाजपाने उडवली राज ठाकरेंची खिल्ली
Share
Tweet
