देशात कोरोनाग्रस्तांची संख्या वाढत असताना कानाकोपऱ्यातून येणाऱ्या मदत निधीचा ओघही वाढला आहे. पंतप्रधान नरेंद्र मोदी यांनी पीएम केअर्स नावाने एक वेगळं अकाऊंट उघडलं आहे. इच्छुकांना या अकाऊंटमध्ये कोरोनाग्रस्तांसाठी निधी जमा करता येतो. मात्र पंतप्रधानांच्या नावे उघडण्यात आलेल्या अकाऊंटवर काही जणांनी टीका केली आहे.
प्रधानमंत्री नरेन्द्र मोदी यांनी पीएम-केअर्स अर्थात प्रधानमंत्री आपत्कालीन नागरिक सहाय्य आणि बचाव निधीची घोषणा केली. देशात अचानक उद्भवलेल्या कोविड-१९ सारखे साथीचे आजार आणि इतर गंभीर संकटांशी सामना करण्यासाठी हा राष्ट्रीय निधी वापरता येईल.
हेही वाचा - Coronavirus Update: कम्युनिटी ट्रान्समिशनचा धोका? राज्यात कोरोनाबाधितांचा आकडा २३० वर
प्रधानमंत्री स्वतः या निधीचे अध्यक्ष असून संरक्षण मंत्री, गृहमंत्री आणि अर्थमंत्री या ट्रस्टचे सदस्य आहेत. यात दिलेली देणगी कर सवलतीला पात्र असून पी एम इंडिया डॉट जी ओ व्ही डॉट इन या संकेतस्थळाला भेट देऊन पीएम-केअर्स निधीत योगदान देता येते.
पीएम-केअर्सचा खाते क्र. 2121PM20202 असून SBIN0000691 याचा आय एफ एस सी कोड आहे, तर SBININBB104 हा स्विफ्ट कोड आहे. pmcares@sbi हा यु.पी.आय. आयडी आहे.
This is a very important thread. Why a new fund when a Prime Minister’s National Relief Fund already exists? And why the self-aggrandizing name, PM-CARES? Must a colossal national tragedy also be (mis)used to enhance the cult of personality? https://t.co/97NspbaVwh
— Ramachandra Guha (@Ram_Guha) March 29, 2020
पंतप्रधान राष्ट्रीय मदत निधी नावाचं वेगळं अकाऊंट असताना पीएम केअर या नावाने नवा फंड उभारण्याची गरजच काय? आपल्या देशावर राष्ट्रीय संकट आहे. अशात देखील पंतप्रधान स्वतःची प्रतिमा जपण्याचा प्रयत्न करत आहेत का? असा प्रश्न प्रसिद्ध साहित्यिक रामचंद्र गुहा यांनी विचारला आहे.
हेही वाचा - ठाकरे सरकारचा मोठा निर्णय, मुख्यमंत्र्यांसह सर्व लोकप्रतिनिधींचं ६० टक्के वेतन कापणार
This is important. Why not simply rename PMNRF as PM-CARES, given the PM's penchant for catchy acronyms, instead of creating a separate Public Charitable Trust whose rules & expenditure are totally opaque? @PMOIndia you owe the country an explanation for this highly unusual step. https://t.co/qRhX0T1PmB
— Shashi Tharoor (@ShashiTharoor) March 30, 2020
तर, पंतप्रधान नरेंद्र मोदी यांनी पीएमएनआरएफचं नामकरण पीएम केअर्स असं करावं. पंतप्रधान नरेंद मोदी यांना नावं बदलण्याची सवय आहे, त्याप्रमाणेच हे नावही बदलावं, असा खोचक सल्ला काँग्रेसचे खासदार शशी थरुर यांनी दिला आहे.