रविवारी गोरेगाव येथील नेस्को मैदानावर भाजपतर्फे हिंदी भाषा संकल्प संमेलनाचे आयोजन करण्यात आले होते. यावेळी प्रमुख पाहुणे म्हणून देवेंद्र फडणवीस उपस्थित होते. या बैठकीला देवेंद्र फडणवीस यांच्यासह प्रदेश भाजपचे बडे नेते आणि अनेक उत्तर भारतीय नेतेही उपस्थित होते. या मेळाव्याला संबोधित करताना देवेंद्र फडणवीस यांनी सभेला उपस्थित लोकांशी भोजपुरीत संवाद साधला.
हिंदी भाषेतील ठराव परिषदेत भाजपच्या सर्व नेत्यांनी उत्तर प्रदेशची अस्मिता समजला जाणारा गमछा परिधान केला होता. यावेळी व्यासपीठावर आशिष शेलार, कृपाशंकर सिंग, आर.यू.सिंग आदी नेते उपस्थित होते. या मेळाव्याला संबोधित करताना देवेंद्र फडणवीस यांनी भोजपुरीमध्ये भाषण केले.
सभेत देवेंद्र फडणवीस यांनी मुख्यमंत्री उद्धव ठाकरे यांच्यावर जोरदार निशाणा साधला. देवेंद्र फडणवीस यांनीही यावेळी पालिकेमध्ये भाजपचा झेंडा फडकणार असे म्हटले. यासोबतच त्यांनी हिंदुत्वाच्या मुद्द्यावरून उद्धव ठाकरेंवर निशाणा साधला.
बीकेसी येथील सभेत बाबरी मशिदीवरील उद्धव ठाकरे यांच्या टीकेला उत्तर देताना फडणवीस म्हणाले की, ''अयोध्याच्या आंदोलनात तुमचा (उद्धव ठाकरे यांना उद्देशून) एकही नेता नव्हता, हे म्हंटल्यावर राग आला.'' अभिनेता गोविंदा याच्या चित्रपटातील गाण्याच्या अंदाजात उद्धव ठाकरे यांना टोमणा लगावत ते म्हणाले, ''मैं तो अयोध्या जा रहा था, मैं तो मस्जिद गिरा रहा था, तुझ को मिर्ची लगी तो में क्या करू.'' ते म्हणाले, ''हो मी गेलो होतो बाबरी पाडायला, याचा मला अभिमान आहे. 1992 साली मी नगरसेवक झालो. जुलैमध्ये मी वकील झालो आणि डिसेंबरमध्ये मी अयोध्येला मशीद पाडायला गेलो होतो. तुम्ही गेले होते, सहलीला. आम्ही नाही.''
फडणवीस पुढे म्हणाले की, उद्धव ठाकरे काल म्हणाले, मी पाय ठेवला असता तरी बाबरी ढाचा खाली आला असता, किती विश्वास आहे माझ्यावर त्यांचा. लपवायचं काय, आज माझं वजन 102 किलो आहे. जेव्हा बाबरी पाडायला गेलो, तेव्हा माझं वजन 158 किलो होत. उद्धव ठाकरे यांच्या भाषेत सांगायचं झालं तर, सामान्य माणसाचा एफएसआय जर एक असेल, तर माझं एफएसआय 1.5 आहे आणि बाबरी पडायला गेलो तेव्हा माझं एफएसआय 2.5 होता. उद्धव ठाकरे यांना असं वाटत माझ्या पाठीत खंजीर खुपसून माझं राजकीय वजन कमी होईल. मात्र हाच देवेंद्र फडणवीस तुमच्या सत्तेचा ढाचा पाडणार, असे ते म्हणाले आहेत.
हेही वाचा
Share
Tweet
