Maharashtra assembly Election 2019 - वांद्रे पश्चिम मतदारसंघात आशिष शेलार वर्चस्व राखणार?

मुंबईतील वांद्रे पश्चिम विधानसभा मतदारसंघ हायप्रोफाइल मतदारसंघ म्हणून ओळखला जातो. या मतदारसंघातून भाजपचे माजी मुंबई अध्यक्ष आणि शिक्षणमंत्री आशिष शेलार निवडणूक लढवत असल्याने या मतदारसंघावर सर्वांचीच नजर असणार आहे.

SHARE

मुंबईतील वांद्रे पश्चिम विधानसभा मतदारसंघ हायप्रोफाइल मतदारसंघ म्हणून ओळखला जातो. या मतदारसंघातून भाजपचे माजी मुंबई अध्यक्ष आणि शिक्षणमंत्री आशिष शेलार निवडणूक लढवत असल्याने या मतदारसंघावर सर्वांचीच नजर असणार आहे. हा मतदारसंघ मुंबई उत्तर मध्य लोकसभा मतदारसंघाअंतर्गत येतो. या मतदारसंघात भाजपच्याच पूमन महाजन खासदार आहेत.

अल्पसंख्यांक मतदारांचा प्रभाव

एकाबाजूला पाली हिल, रणवार, माऊंट मेरी, युनियन पार्क, विलिंग्डन, सांताक्रूझ, हसमुख नगरमधील उच्चभ्रू वस्तीत राहणारे सेलिब्रिटी तर दुसऱ्या बाजूला खारदांडा, चिंबई व्हिलेज, संतोष नगर, आंबेडकर नगर, नर्गिस दत्त नगर येथील गावठाण, झोपडपट्ट्यांमध्ये राहणारे सर्वसामान्य अशी मिश्र लोकवस्ती या मतदारसंघात येते. मराठी हिंदू मतदारांसोबतच मुस्लिम आणि ख्रिश्चन अशा अल्पसंख्यांक मतदारांच्या मतांचाही इथं मोठा प्रभाव आहे. 

भाजपचं वर्चस्व

हा मतदारसंघ आधीपासूनच काँग्रेसचा गड मानला जातो. त्याआधारे २००९ मध्ये काँग्रेसचे उमेदवार बाबा सिद्दीकी यांनी भाजपच्या आशिष शेलार यांना अवघ्या दीड हजार मतांनी पराभूत केलं हाेतं. परंतु पुढच्याच निवडणुकीत २०१४ मध्ये शेलार यांनी बाबा सिद्दीकी यांचा २६,९११ मतांनी दणदणीत पराभव केला. 

काँग्रेस किती मतं खेचणार?

यंदाही मुख्यमंत्री देवेंद्र फडणवीस यांच्या सरकारमध्ये शिक्षणमंत्री राहिलेल्या शेलार यांचं पारडं जड मानलं जात आहे. त्यांच्याविरोधात काँग्रेसने आसिफ झकेरीया यांना रिंगणात उतरवलं आहे. झकेरीया काँग्रेसची पारंपरिक मतं खेचण्यात किती यशस्वी ठरतात हे या निवडणुकीत पाहायला मिळेल.


  • विधानसभा मतदारसंघ क्र. - १७७
  • पुरूष मतदार - १,५५,३४५
  • महिला मतदार- १,४२,५७४
  • एकूण मतदार - २,९७,९१९   

२००९ विधानसभा निवडणूक 

  • बाबा सिद्दीकी (काँग्रेस) ५९,६५९
  • आशिष शेलार (भाजपा) ५७,९६८
  • राजभर सिराज खान ( अपक्ष) ५,१३२
  • रिझवान मर्चंट (सपा) १,८६२

२०१४ विधानसभा निवडणूक 

  • आशिष शेलार (भाजपा) ७४,७७९
  • बाबा सिद्दीकी (काँग्रेस) ४७,८६८
  • विलास चावरी (शिवसेना) १४,१५६
  • तुषार आफळे (मनसे) ३,११६
  • आसिफ भामला (राष्ट्रवादी) २,३८७



हेही वाचा-

Maharashtra Assembly Election 2019- अणुशक्तीनगरमध्ये नवाब मलिक आणि तुकाराम काते यांच्यात ‘काँटे की टक्कर’!

Maharashtra Assembly Election - चांदिवलीत नसीन खान यांच्यासमोर दिलीप लांडे यांचं आव्हान



संबंधित विषय
ताज्या बातम्या