मनसे अध्यक्ष राज ठाकरे यांचे पुत्र अमित ठाकरे राजकारणात सक्रिय होताना पाहायला मिळत आहेत. अमित ठाकरे यांनी नाशिकमधील टोल प्लाझा कर्मचाऱ्यांनी आपल्याशी गैरवर्तन केल्याचा आरोप केला. त्यानंतर काही मनसे कार्यकर्त्यांनी टोल प्लाझाची तोडफोड केल्याचेही व्हिडिओ व्हायरल झाले. याप्रकरणी ८ जणांना ताब्यातही घेण्यात आले.
अमित ठाकरे यांना शनिवारी रात्री ९.१५ वाजता मुंबईला जात असताना सिन्नर येथील गोंडे टोल प्लाझा येथे त्यांच्या वाहनाच्या फास्टॅग तपशीलात काही तफावत आढळल्याने त्यांना थांबवण्यात आले. यावेळी आपल्याशी गैरवर्तन केल्याचा आरोप अमित ठाकरे यांनी केला. रविवारी पहाटे अडीचच्या सुमारास मनसे कार्यकर्त्यांच्या जमावाने प्लाझाची तोडफोड केली.
या घटनेवर प्रतिक्रिया देताना अमित ठाकरे म्हणाले की, "मी शिर्डीला भेट देण्यासाठी आलो होतो, माझ्या वाहनात FASTag लावण्यात आला होता, पण मला टोलनाक्यावर थांबवण्यात आले, मला थांबवण्याचे कारण विचारले असता, टोल प्लाझाच्या कर्मचाऱ्यांनी माझ्याशी गैरवर्तन करण्यास सुरुवात केली, याबाबत मी मॅनेजरशी बोललो, त्यानेही माझ्यासोबत गैरवर्तन केले."
अमीत ठाकरे टोल नाका फोडणे म्हणजे राजकारण नाही. कधीतरी बांधायलाही शिका आणि शिकवा.#Tollnaka #BJPMaharashtra #BJPGovt pic.twitter.com/BBRfDT9rlP
— भाजपा महाराष्ट्र (@BJP4Maharashtra) July 24, 2023
महाराष्ट्र भाजपने आपल्या अधिकृत ट्विटर हँडलवरून एक व्हिडिओ ट्विट केला आहे, ज्यामध्ये पक्षाने अमित ठाकरेंवर निशाणा साधला आहे. राज्यात भाजप आणि मित्रपक्षांचे सरकार असून गृहमंत्री देवेंद्र फडणवीस अशा घटना खपवून घेणार नाहीत, असे पक्षाचे म्हणणे आहे.
ट्विटमध्ये म्हटले आहे की, अमीत ठाकरे टोल नाका फोडणे म्हणजे राजकारण नाही. कधीतरी बांधायलाही शिका आणि शिकवा.
याला मनसेकडूनहीउत्तर देण्यात आले आहे. मनसे अधिकृत या त्यांच्या फेसबुक पेजवरून भाजपवर टीका करण्यात आली आहे.
फेसबुक पोस्टमध्ये म्हटले आहे की, मनविसे अध्यक्ष श्री. अमित ठाकरेंचं हेच विधान इतकं झोंबलंय कि पृथ्वीवरचा सर्वात मोठा पक्ष या ३१ वर्षाच्या तरुणावर तुटून पडलाय.
हेही वाचा