नवीन वर्ष उजाडलं तरी मुंबईची उपनगरीय लोकल ट्रेन (mumbai local train) सेवा सर्वांसाठी खुली होत नसल्याने सर्वसामान्य प्रवाशांचा धीर आता हळुहळू सुटू लागला आहे. आपल्या कामाधंद्यानिमित्त घराबाहेर पडणाऱ्या प्रवाशांना लोकल ट्रेनची सेवा उपलब्ध नसल्याने मोठ्या त्रासाला सामोरं जावं लागत आहे. याच व्यथा घेऊन राष्ट्रवादीचे आमदार रोहीत पवार यांनी नुकतीच राज्याचे परिवहन मंत्री अनिल परब यांची भेट घेतली.
लोकलअभावी सर्वांच्याच वेळेचा अपव्यय होऊन आर्थिक भुर्दंडही बसतोय. मुंबईत #APMC मध्ये गेलो असता माथाडी कामगारांनीही ही व्यथा मांडली. म्हणून सर्वांसाठीच लोकल सुरू करण्याच्या मागणीचा मुख्यमंत्र्यांमार्फत केंद्राकडं पाठपुरावा करण्याची विनंती परिवहनमंत्री अनिल परब यांना केली, अशी माहिती रोहीत पवार (rohit pawar) यांनी दिली.
हेही वाचा- या आठवड्यात मुंबई लोकल सर्वांसाठी सुरू होणार?
लोकलअभावी सर्वांच्याच वेळेचा अपव्यय होऊन आर्थिक भुर्दंडही बसतोय. मुंबईत #APMC मध्ये गेलो असता माथाडी कामगारांनीही ही व्यथा मांडली. म्हणून सर्वांसाठीच लोकल सुरू करण्याच्या मागणीचा मुख्यमंत्र्यांमार्फत केंद्राकडं पाठपुरावा करण्याची विनंती परिवहनमंत्री @advanilparab
— Rohit Pawar (@RRPSpeaks) January 12, 2021
साहेबांना केली. pic.twitter.com/R4OHpWWCLl
सर्वसामान्य प्रवाशांसाठी सरकारने अजूनही लोकलची दारं उघडलेली नसल्याने सर्व स्तरातून राज्य सरकार आणि रेल्वे प्रशासनावर टीका केली जात आहेत. शिवाय लोकल सेवा लवकरात लवकर सुरू करण्यासाठी वारंवार पत्रव्यवहार व आंदोलनं केली जात आहेत. तरीही लोकल सेवा सुरू होत नसल्याने प्रवाशांसह प्रवासी संघटनांनी देखील नाराजी व्यक्त केली आहे.
त्यातच येत्या आठवड्यात सर्वांसाठी लोकल सुरू होण्याबाबत निर्णय अपेक्षित असल्याचं राज्य सरकारने मुंबई उच्च न्यायालयात स्पष्ट केलं आहे. त्यामुळं रेल्वे आंदोलन तूर्त स्थगित करण्याचा निर्णय रेल्वे प्रवासी महासंघानं घेतला आहे. शिवाय, सर्वांसाठी लोकल सुरू न झाल्यास आंदोलन छेडण्यात येईल, असंही महासंघाच्या वतीने स्पष्ट करण्यात आलं आहे.
(ncp mla rohit pawar meets maharashtra transport minister anil parab on mumbai local train issue)