राहुल शेवाळे यांच्याकडून गंभीर आरोप केल्यानंतर राष्ट्रवादी काँग्रेसचे आमदार रोहित पवार हे आदित्य ठाकरेंच्या बचावासाठी मैदानात उतरले आहेत.
संसदेत कधीही न बोलणारे खासदार राहुल शेवाळे यांनी महाराष्ट्राच्या हिताचा मुद्दा मांडण्याऐवजी मुंबईतील निवडणुका (BMC) डोळ्यापुढे ठेवून आदित्य ठाकरे (Aaditya Thackeray) यांच्यावर आरोप केले. मुंबईच्या निवडणुकीत बिहारी लोकांची मते मोठ्या प्रमाणात आहेत. त्याचा विचार करुन असे खोटे आरोप होत आहेत, असा आरोप राष्ट्रवादी काँग्रेसचे आमदार रोहित पवार (Rohit pawar) यांनी केला.
भाजपचे नेते निवडणुकांमध्ये यश मिळवण्यासाठी असे प्रयत्न सुरुवातीपासून करत आहेत. यापूर्वी बिहारची निवडणूक असताना सुशातसिंह राजपूत यांच्या आत्महत्येचे राजकारण करण्यात आले. गुजरात निवडणुका आल्या तेव्हा महाराष्ट्रातील प्रकल्प (Maharashtra Projects) पळवण्यात आले. कर्नाटक निवडणुका (karnataka election) येताच सीमावाद तापवण्यात येत आहे. तसाच प्रकार 'एयू' बाबत आहे.
मुद्दा मांडण्याचा प्रयत्न केला की बोलू दिले जात नाही. त्यामुळे महाराष्ट्राच्या विकासाचे मुद्दे सभागृहात येत नाहीत, असे रोहित पवार म्हणाले. मोघम बोलून विषय टाळण्यात येत आहे, असेही ते म्हणाले.
रिया चक्रवर्तीला AU नावाच्या व्यक्तीने 44 फोन का केले होते. AU म्हणजे आदित्य ठाकरे असा आरोप राहुल शेवाळे यांनी सभागृहात केला. त्यानंतर पुन्हा एकदा याप्रकरणावरून आरोप प्रत्यारोप सुरू झाले आहेत.
हेही वाचा
Share
Tweet
